ກອງທັບລາວ ແລະ ສະຫະລັດອາເມລິກາພົບປະສອງຝ່າຍ

ການພົບປະຄັ້ງທີ 12 ລະຫວ່າງເຈົ້າໜ້າທີ່ອາວຸໂສຈາກສະຖານທູດສະຫະລັດອາເມລິກາປະຈໍາລາວ ແລະ ສູນບັນຊາການກອງທັບສະຫະລັດປະຈໍາພາກພື້ນປາຊີຟີກ (USPACOM) ແລະ ເຈົ້າໜ້າທີ່ຂັ້ນສູງຈາກກະຊວງປ້ອງກັນປະເທດ (MND) ສປປ ລາວ, ໄດ້ມີຂຶ້ນຢູ່ທີ່ແຂວງຫລວງພະບາງໃນວັນທີ 28 ສິງຫານີ້, ຝ່າຍລາວນໍາໂດຍທ່ານພົນຈັດຕະວາ ແກ່ນຈັນ ນັນທະລັງສີ ຫົວໜ້າກົມພົວພັນຕ່າງປະເທດກະຊວງປ້ອງກັນປະເທດ ແລະ ຝ່າຍອາເມລິການໍາໂດຍທ່ານພົນຈັດຕະວາ ມາກ ກີວເລັດ ຮອງຫົວໜ້າກົມຫ້ອງການວາງແຜນຍຸດທະສາດ ແລະ ນະໂຍບາຍສູນບັນຊາການກອງທັບສະຫະລັດປະຈໍາພາກພື້ນປາຊີຟີກ ເພື່ອແນໃສ່ແລກປ່ຽນບົດຮຽນ ແລະ ເສີມຂະຫຍາຍການພົວພັນໃນພາກພື້ນໃຫ້ຫລາຍຂຶ້ນ, ຊຶ່ງຫົວຂໍ້ຫລັກຂອງການພົບປະຄັ້ງນີ້ລວມມີການຮ່ວມມືທາງດ້ານວຽກງານເສນາ, ການປະຕິບັດງານຮ່ວມລະຫວ່າງທະຫານ ແລະ ພົນລະເຮືອນ ທີ່ລວມເອົາການຮ່ວມມືທາງດ້ານການຊ່ວຍເຫລືອມະນຸດສະທໍາໃນການເກັບກູ້ລະເບີດທີ່ບໍ່ທັນແຕກ ແລະ ການຊ່ວຍເຫລືອບັນເທົາທຸກ, ການຝຶກອົບຮົມ ແລະ ໂອກາດທາງການສຶກສາ, ການຝຶກອົບຮົມພາສາອັງກິດ ແລະ ການສຶກສາທາງດ້ານການທະຫານ ແລະ ການເຂົ້າຮ່ວມຂອງກອງທັບປະຊາຊົນລາວໃນກອງປະຊຸມຕ່າງໆໃນລະດັບພາກພື້ນ.