ເຈົ້າໜ້າທີ່ພາສີ ພສປ ຢຶດລົດນໍາເຂົ້າບໍ່ຖືກຕ້ອງ ແລະ ໃສ່ປ້າຍທະບຽນປອມ

ວັນທີ 14 ມັງກອນ 2023 ຜ່ານມານີ້  ເຈົ້າໜ້າທີ່ພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ກົມພາສີ ກະຊວງການເງິນ, ໄດ້ສົມທົບກັບເຈົ້າໜ້າທີ່ຕໍາຫຼວດຈະລະຈອນ ປະຈຳການຢູ່ປ້ອມກວດກາ ຫລັກ2 ເມືອງສີໂຄດຕະບອງ ນະຄອນຫຼວງວຽງຈັນ, ໄດ້ຕິດຕາມກວດກາຢຶດລົດກະບະ 4 ປະຕູຍີຫໍ້: ອີຊູຊູ (Isuzu) ສີເທົາ ຈໍານວນ 1 ຄັນ.

ແຕ່ຜ່ານການສືບສວນ-ສອບສວນເບື້ອງຕົ້ນເຫັນວ່າ: ລົດຄັນດັ່ງກ່າວແມ່ນນໍ້າເຂົ້າມາບໍ່ຖືກຕ້ອງ ແລະ ນໍາໃຊ້ບໍ່ຖືກເປົ້າໝາຍ, ພ້ອມສວມປ້າຍທະບຽນປອມ, ຊຶ່ງເຈົ້າໜ້າທີ່ພາສີຈະໄດ້ດຳເນີນຄະດີຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.