ອັບເດດ! ຫລ້າສຸດມີຄົນເສຍຊີວິດເພີ່ມຂຶ້ນເປັນ 68 ຄົນ ຈາກເຫດຍົນໂດຍສານຕົກທີ່ປະເທດເນປານ

ສຳນັກຂ່າວຕ່າງປະເທດລາຍງານວ່າ: ວັນທີ 16 ມັງກອນ 2023 ນີ້ ມີຄົນເສຍຊີວິດເພີີ່ມຂຶ້ນເປັນ 68 ຄົນ ແລະ ຍັງມີຜູ້ສູນຫາຍອີກ 4 ຄົນ ຈາກເຫດຍົນໂດຍສານຕົກທີ່ປະເທດເນປານ ເມື່ອວັນທີ 15 ມັງກອນ ທີ່ຜ່ານມາ.

ທັງນີ້, ສຳນັກຂ່າວບີບີຊີລາຍງານວ່າ: ຍົນລຳດັ່ງກ່າວມີກຳນົດການເດີນທາງຈາກນະຄອນຫລວງກາມານທຸໄປເມືອງໂປຂະຣາ ກ່ອນປະສົບອຸບັດເຫດຕົກຂະນະທີ່ຍົນກຳລັງລົງຈອດຢູ່ສະໜາມບິນໂປຂາຣາ ຈົນເຮັດໃຫ້ເກີດໄຟໄໝ້ ແຕ່ຍັງບໍ່ມີລາຍງານສາເຫດຂອງເລື່ອງທີ່ເກີດຂຶ້ນ.

ໂຄສົກສາຍການບິນເຢຕິແອລາຍລະບຸວ່າ: ຍົນດັ່ງກ່າວບັນທຸກຜູ້ໂດຍສານ 68 ຄົນ ແລະ ຈຸບິນອີກ 4 ຄົນ. ປັດຈຸບັນທະຫານເນປານໄດ້ລະດົມກຳລັງເຂົ້າກູ້ໄພໃນຈຸດເກີດເຫດໃກ້ສະໜາມບິນໂປຂາຣາແລ້ວ.

ນອກນັ້ນ ລັດຖະບານເນປານປະກາດໄວ້ອາໄລທົ່ວປະເທດເປັນເວລາ 1 ວັນ ແລະ ແຕ່ງຕັ້ງຄະນະເຮັດວຽກສະເພາະກິດ ເພື່ອສອບສວນໂສກນາດຕະກຳໃນຄັ້ງນີ້.