ານລ້ຽງສັດ ຫລື ປ່ອຍສັດລ້ຽງຢູ່ຕາມທາງຫລວງ ເຊິ່ງຈະພາໃຫ້ມີຄວາມສ່ຽງຕໍ່ການເກີດອຸບັດເຫດ ເຈົ້າຂອງ ຫລື ຜູ້ດູແລສັດ ຈະຖືກປັບໃໝ 30.000 ກີບ

ໃນດໍາລັດ ເລກທີ 568/ລບ, ລົງວັນທີ 16/9/2021 ວ່າດ້ວຍການປັບໃໝ ແລະ ມາດຕະການອື່ນ ຕໍ່ຜູ້ລະເມີດກົດ ໝາຍ ແລະ ລະບຽບການຈະລາຈອນທາງບົກມາດຕາ 44 ລະບຸວ່າ:

ໃນກໍລະນີມີການລ້ຽງສັດ ຫລື ປ່ອຍສັດລ້ຽງຢູ່ຕາມທາງຫລວງ ເຊິ່ງຈະພາໃຫ້ມີຄວາມສ່ຽງຕໍ່ການເກີດອຸບັດເຫດ ເຈົ້າຂອງ ຫລື ຜູ້ດູແລສັດ ຈະຖືກປັບໃໝ 30.000 ກີບ ຕໍ່ສັດສີ່ຕີນໜຶ່ງໂຕ ເປັນຕົ້ນ ແບ້, ມ້າ, ງົວ, ຄວາຍ.

ໃນກໍລະນີເກີດອຸບັດເຫດຍ້ອນສັດລ້ຽງ ເຊິ່ງສ້າງຄວາມເສຍຫາຍຕໍ່ໂຄງການ, ໂຄງປະກອບ, ສິ່ງປະກອບ ແລະ ສິ່ງປ້ອງກັນຄວາມປອດໄພ ຂອງທາງຫລວງ ເຈົ້າຂອງ ຫລື ຜູ້ດູແລສັດ ຕ້ອງຮັບຜິດຊອບໄຊ້ແທນຄ່າເສຍຫາຍທີ່ເກີດຂຶ້ນທັງໝົດ ຕາມການປະເມີນມູນຄ່າເສຍຫາຍຂອງເຈົ້າໜ້າທີ່ໂຍທາທິການ ແລະ ຂົນສົ່ງ.

ສຳລັບກໍລະນີ ເປີດອຸບັດເຫດຢູ່ທາງດ່ວນ ຍ້ອນສັດລ້ຽງ ໂດຍເຈົ້າຂອງທາງດ່ວນໄດ້ສ້າງຮົ້ວ ຫລື ສິ່ງປ້ອງກັນສັດຢ່າງຖືກຕ້ອງຕາມກົດໝາຍຕາມເຕັກນິກ ໃຫ້ເຈົ້າຂອງ ຫລື ຜູ້ດູແລສັດລ້ຽງ ເປັນຜູ້ຮັບຜິດຊອບຄ່າເສຍຫາຍທັງໝົດ.

ຖ້າຫາດເຈົ້າຂອງທາງດ່ວນ ສ້າງຮົ້ວ ຫລື ສິ່ງປ້ອງກັນສັດ ບໍ່ໄດ້ຕາມມາດຕະຖານເຕັກນິກ ຫລື ບໍ່ມີການຕິດຕາມກວດກາຢ່າງເປັນປົກກະຕິ ໃຫ້ເຈົ້າຂອງທາງດ່ວນ ເປັນຜູ້ຮັບຜິດຊອບຄ່າເສຍຫາຍທັງໝົດ.

ສຳລັບຜູ້ຂັບຂີ່ ທີ່ລະເມີດກົດຈະລາຈອນພາໃຫ້ເກີດອຸບັດເຫດ ກໍມີສ່ວນຮັບຜິດຊອບຕໍ່ຄວາມເສຍຫາຍແຕ່ລະກໍລະນີ.