ອັດຕະປື ຕັ້ງເປົ້າເກັບລາຍຮັບປີ 2023 ໃຫ້ໄດ້ 461 ຕື້ກີບ
ທ່ານ ສຸລິພອນ ຟອງສະໜຸດ ຮອງຫົວໜ້າສ່ວຍສາອາກອນປະຈໍາແຂວງ ໄດ້ລາຍງານຕໍ່ກອງປະຊຸມ ສະຫລຸບຕີລາຄາຄືນການຈັດຕັ້ງປະຕິບັດວຽກງານສ່ວຍສາອາກອນ ປະຈຳປີ 2022 ແລະ ຜ່ານທິດທາງແຜນການ ປີ 2023 ໃນວັນທີ 13 ມັງກອນ 2023 ຜ່ານມານີ້ວ່າ: ປີ 2022 ຜ່ານມາຂະແໜງສ່ວຍສາອາກອນໄດ້ເຮັດໜ້າສໍາຄັນໃນການຂຸດຄົ້ນບັນດາແຫລ່ງລາຍຮັບເຂົ້າງົບປະມານເພື່ອຕອບສະໜອງໃຫ້ແກ່ລາຍຈ່າຍງົບປະມານ ອັນໄດ້ປະກອບສ່ວນສໍາຄັນ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມ ເວົ້າສະເພາະກໍແມ່ນເຂົ້າໃນການພັດທະນາເສດຖະກິດ-ສັງຄົມຂອງແຂວງອັດຕະປື, ເຊິ່ງລາຍຮັບສ່ວຍສາອາກອນແມ່ນໄດ້ກວມເອົາເກືອບ 90% ຂອງລາຍຮັບງົບປະມານທັງໝົດຂອງທ້ອງຖິ່ນ ເຖິງແມ່ນວ່າການເກັບລາຍຮັບສ່ວຍສາອາກອນ ໃນປີ 2022 ຈະໄດ້ຮັບຜົນກະທົບຢ່າງໜັກໜ່ວງ ຈາກສະພາບການທາງດ້ານເສດຖະກິດ ການເງິນ ມີການເໜັງຕີງ ສົ່ງຜົນກະທົບເຮັດໃຫ້ອັດຕາແລກປ່ຽນສະກຸນເງິນກີບມີການອອ່ນຄ່າລົງ, ບວກກັບການປັບປຸງບັດດາກົດໝາຍ ແລະ ປະຕິບັດນະໂຍບາຍຫລຸດຜ່ອນ, ຍົກເວັ້ນອາກອນບາງປະເພດກໍ່ຕາມ ແຕ່ຂະແໜງສວຍສາອາກອນປະຈໍາແຂວງ ຍັງສາມາດຈັດຕັ້ງປະຕິບັດການເກັບລາຍຮັບ ໄດ້ທັງໝົດ 253 ຕື້ກວ່າກີບ,ເທົ່າກັບ 191,37% ຂອງແຜນການປີ, ສຳລັບ ປີ 2023 ໃຫ້ບັນລຸໄດ້ 461 ກວ່າຕື້ກີບ.
