ນາງ ອາບອນນີ ເກເບຣີ ສາວງາມຈາກອາເມລິກາ ໄດ້ຮັບມົງກຸດ Miss Universe 2022 ໄປຄອງໄດ້ສຳເລັດ
ວັນທີ 15 ມັງກອນ ຕາມເວລາປະເທດລາວ, ສຳເລັດໄປເປັນທີ່ຮຽບຮ້ອຍແລ້ວສຳລັບການປະກວດສາວງາມ ເພື່ອຄົ້ນຫານາງງາມຈັກກະວານຄົນໃໝ່ ຢູ່ເມືອງນິວອໍລີນ ລັດລຸຍເຊຍນາ ສະຫະລັດອາເມລິກາ ຫລັງຈາກ JKN Global Group ໄດ້ເຂົ້າມາເປັນເຈົ້າຂອງອົງກອນລາຍໃໝ່ຕໍ່ຈາກ WME | IMG ນັບແຕ່ທ້າຍປີ 2022 ຜ່ານມາ ໂດຍນາງ ອາຣບອນນີ ເກເບຣີ ສາວງາມຈາກອາເມລິກາ ໄດ້ຮັບມົງກຸດ Miss Universe 2022 ຄັ້ງທີ 71 ໄປຄອງໄດ້ສຳເລັດ.
ຮອງຊະນະເລີດອັນດັບ 1 ໄດ້ແກ່ນາງ ອາມັນດາ ດູດາເມລ ສາວງາມຈາກເວເນຊູເອລາ, ຮອງຊະນະເລີດອັນດັບ 2 ໄດ້ແກ່ນາງ ອັນເດຣອີນາ ມາຣຕິເນຊ ສາວງາມຈາກສາທາລະນະລັດ ໂດມິນິກັນ, ສ່ວນອີກ 2 ປະເທດທີ່ສາມາດຜ່ານເຂົ້າເຖິງ Top5 ໄດ້ແກ່ນາງ ເປີໂຕຣິໂກ ແລະ ນາງ ກືຣາເຊົາ.
ຂະນະທີ່ອີກ 11 ປະເທດທີ່ສາມາດຜ່ານເຂົ້າຮອບ Top 16 ໄດ້ແກ່ ໄຮຕິ, ອົດສະຕຣາລີ, ອາຟຣິກາໃຕ້, ປ໋ອກຕຸຍການ, ການາດາ, ເປຣູ, ຕຣິນິແດດ ແລະ ໂຕເບໂກ, ອິນເດຍ, ແອັສປາຍ, ໂກລອມບີ ແລະ ສປປ ລາວ.
ລາງວັນພິເສດອື່ນໆ ບໍ່ວ່າຈະເປັນລາງວັນ Spirit of Carnival Award ຕົກເປັນຂອງສາວງາມຈາກອູແກຣນ, ລາງວັນນາງງາມມິດຕະພາບ (Miss Congeniality) ເປັນຂອງສາວງາມຈາກຊິລີ ແລະ ມອນຕາ.
