ເຊົາ ເມນເດສ ລູກຊາຍ ໂຣນັລດິນໂຢ ມີໂອກາດຮ່ວມທີມ ບາເຊໂລນາ

ເຊົາ ເມນເດສ ລູກຊາຍ ໂຣນັລດິນໂຢ ຕຳນານກອງກາງທີມຊາດບຣາຊິລ ມີໂອກາດເຂົ້າທີມເຍົາວະຊົນບາເຊໂລນາ ຫລັງຢູ່ລະຫວ່າງທົດສອບສີຕີນກັບທີມ ດັງແຫ່ງ ລາ ລີກາ ສະເປນ.

ສຳນັກຂ່າວ ESPN ລາຍງານວ່າ ເຊົາ ເມນເດສ ລູກຊາຍອາຍຸ 17 ປີ ຂອງ ໂຣນັລດິນໂຢ ຕຳນານນັກເຕະທີມຊາດບຣາຊິລ ພວມເຂົ້າທົດສອບສີຕີນກັບບາ ເຊໂລນາ ອະດີດຕົ້ນສັງກັດຂອງພໍ່.

ໂດຍກ່ອນໜ້ານີ້ ເມນເດສ ຫາກໍຍົກເລີກສັນຍາກັບຕົ້ນສັງກັດໃນບຣາຊິລຄື ຄຣູເຊໂຣ ເມື່ອບໍ່ດົນມານີ້ ແລະ ມີໂອກາດເຂົ້າທີມ ຢູເວນິລ ເອ ຂອງບາເຊໂລນາ ຫາກສາມາດສ້າງຄວາມປະທັບໃຈໃນການທົດສອບສີຕີນໄດ້.

ສຳລັບໄລຍະລະບົບເຍົາວະຊົນຂອງບາເຊໂລນາ ຮຽກໄດ້ວ່າມີການຜະລິດນັກເຕະຂຶ້ນສູ່ທີມຊຸດໃຫຍ່ຢ່າງຕໍ່ເນື່ອງ ໂດຍຫລ້າສຸດມີທັງ ກາບີ ລວມເຖິງ ອັນຊູ ຟາຕິ ທີ່ຫລິ້ນໃຫ້ທີມຊຸດໃຫຍ່ຂອງບາເຊໂລນາໃນປັດຈຸບັນ.