ປິດການສັນຈອນ ຜ່ານຂົວເຫລັກບ້ານນາທອງ ເມືອງເຟືອງ ຊົ່ວຄາວ ວັນທີ 14-16 ມັງກອນ 2023
January 13, 2023 - 3:59 PM
ຫ້ອງການໂຍທາທິການ ແລະ ຂົນສົ່ງ ເມືອງເຟືອງ ແຂວງວຽງຈັນ ໄດ້ອອກແຈ້ງການ ເລກທີ 013/ຍທຂ.ມຟ ລົງວັນທີ 13 ມັງກອນ 2023 ວ່າ: ໃນວັນທີ 14-16 ມັງກອນ 2023 ທາງບໍລິສັດ ເຮືອງສີກໍ່ສ້າງຂົວ-ທາງ ຈໍາກັດ ຈະໄດ້ມ້າງໄມ້ຂົວອອກແລ້ວເອົາແຜ່ນໂຕນມາໃສ່ເພື່ອຮັບປະກັນໃນການສັນຈອນໄປມາ. ສ່ວນການສັນຈອນໄປ-ມາ ປະເພດລົດບັນທຸກ ຫລື ລົດກະບະແມ່ນໃຫ້ລົງທາງເວັ້ນ, ສ່ວນປະເພດລົດເກງ, ລົດຕູ້ ແມ່ນໃຫ້ໄປກວດກາເບິ່ງເສັ້ນທາງກ່ອນວ່າໄປໄດ້ບໍ, ຖ້າໄປບໍ່ໄດ້ແມ່ນລໍຖ້າໃຫ້ຜູ້ຮັບຊອບປ່ອຍການສັນຈອນຈຶ່ງໄປ.
ດັ່ງນັ້ນ, ຫ້ອງການໂຍທາທິການ ແລະ ຂົນສົ່ງເມືອງເຟືອງ ຈຶ່ງອອກແຈ້ງການສະບັບນີ້ແຈ້ງມາຍັງບັນດາທ່ານເພື່ອຊາບ ແລະ ໃຫ້ຄວາມຮ່ວມມືດ້ວຍ.
