ຟີຟາ ຊື່ນຊົມມິດຕະພາບ ໄທ-ມາເລເຊຍ ໂພສຄລິບແຟນບານມາເລເຊຍຮ້ອງເພງໃຫ້ທີມຊາດໄທ

ທະວິດເຕີທາງການຂອງຟີຟາ ໂພສຊື່ນຊົມມິດຕະພາບໃນເກມທີ່ ມາເລເຊຍ ແລະ ໄທ ຫລັງຈາກແຟນບານມາເລເຊຍ ຮ້ອງເພງໃຫ້ນັກເຕະໄທ ຫລັງເກມຊີງແຊ໊ມອາຊຽນ.

ທະວິດເຕີທາງການຂອງສະຫະພັນບານເຕະນາໆຊາດ ຫລື ຟີຟາ ໂພສຄລິບ ທີ່ແຟນບານມາເລເຊຍ ຮ້ອງເພງໃຫ້ກັບນັກເຕະທີມຊາດໄທ ຫລັງເກມທີ່ພວກເຂົາບຸກມາເສຍ 0-3 ໃນການແຂ່ງຂັນບານເຕະ AFF Mitsubishi electric cup 2022 ຫລື ການແຂ່ງຂັນບານເຕະຊີງແຊ໊ມອາຊຽນ ຮອບຮອງຊະນະເລີດ ນັດທີ 2 ທີ່ສະໜາມກິລາ ມ.ທຳມະສາດ.

ໂດຍທະວິດເຕີ ຂອງຟີຟາ ໄດ້ໂພສຄລິບວີດີໂອທີ່ແຟນບານທີມຊາດມາເລເຊຍ ຮ້ອງເພງຕໍ່ໜ້ານັກເຕະໄທ ດ້ວຍປະໂຫຍກວ່າ : “ ສະຫວັດດີຄັບ ໄທແລນ ” ພ້ອມລະບຸວ່າຂໍ້ຄວາມວ່າ “ ເກມທີ່ສວຍງາມ ແຟນບານມາເລເຊຍສະແດງຄວາມເຄົາລົບຕໍ່ນັກເຕະທີມຊາດໄທ ຫລັງພວກເຂົາເສຍໃນການ ແຂ່ງຂັນ ບານເຕະຊີງແຊ໊ມອາຊຽນ ”.

ເຊິ່ງໃນໂພສດັ່ງກ່າວມີແຟນບານເຂົ້າມາສະແດງຄວາມເຫັນຈຳນວນຫລາຍ ເຊ່ັນ ມາເລເຊຍ, ໄທ ເຮົາຄືຫມູ່ກັນ ຂໍໃຫ້ທີມຊາດໄທໂຊກດີທີ່ນັດຊີງຊະນະເລີດ.

ສຳລັບຮອບຊີງຊະນະເລີດ ທີມຊາດໄທຈະບຸກໄປຢາມຫວຽດນາມກ່ອນ ທີ່ສະໜາມມິດິນ ໃນວັນທີ 13 ມັງກອນ 2023 ເວລາ 19:30 ນາທີ ກ່ອນຈະກັບມາເຕະ ທີ່ສະໜາມ ມະຫາວິທະຍາໄລທຳມະສາດ ຣັງສິດ ໃນວັນທີ 16 ມັງກອນ 2023 ເວລາ 19:30 ນາທີ.