ໂປແລນ ທາບທາມ ເຈີຣາດ ນັ່ງຕຳແໜ່ງຜູ້ຈັດການທີມຄົນໃຫມ່

ສື່ຊື່ດັງລາຍງານວ່າ ສະຫະພັນບານເຕະໂປແລນ ຍື່ນຂໍ້ສະເໜີໃຫ້ສະຕີເວັນ ເຈີຣາດ ອະດີດຫົວໜ້າທີມລີເວີພູລ ພິຈາລະນາຮັບໜ້າທີ່ຜູ້ຈັດການທີມໃຫມ່.

ຫລັງຈາກທີ່ ສະຕີເວັນ ເຈີຣາດ ອະດີດຫົວໜ້າທີມ ລີເວີພູລ ຖືກ ແອສຕັນ ວິລລາ ປົດອອກຈາກຕຳແໜ່ງຜູ້ຈັດການທີມ ຫລັງຈາກທີ່ເສຍໃຫ້ກັບ ຟູແລມ ໄປດ້ວຍຄະແນນ 0-3 ເມື່ອເດືອນຕຸລາ 2022.

ຫລ້າສຸດ Meczyki ສື່ຊັ້ນນຳໃນໂປແລນເປີດເຜີຍວ່າ ສະຫະພັນບານເຕະໂປແລນໄດ້ເຮັດການຍື່ນຂໍ້ສະເໜີໃຫ້ ເຈີຣາດ ພິຈາລະນາຮັບໜ້າທີ່ຜູ້ຈັດການ ທີມຄົນໃຫມ່ແທນ ເຊສລໍ ມິດນີວິດ ອະດີດຜູ້ຈັດການການທີມຕັດສິນໃຈບໍ່ຕໍ່ສັນຍາ ຫລັງພາທີມຕົກຮອບບານໂລກທີ່ກາຕ້າໃນຮອບ 16 ທີມສຸດທ້າຍ ດ້ວຍການເສຍໃຫ້ຝຣັ່ງ 3-1.

ແນວໃດກໍຕາມ ກ່ອນໜ້ານີ້ ໂປແລນ ພະຍາຍາມທີ່ຈະຍື່ນຂໍ້ສະເໜີໃຫ້ ໂຣແບໂຕ ມາຕີເນສ ອະດີດຜູ້ຈັດການທີມເອຟເວີຕັນ ແລະ ທີມຊາດເບລຢ້ຽມ ແຕ່ຄູຝຶກຊາວສະເປນ ຢືນຢັນວ່າຈະຮັບໜ້າທີ່ຄຸມ ໂປຣຕຸເກສ.