ອົດສະຕຣາລີ ນ້ຳຖ້ວມໜັກໃນຮອບ 100 ປີ ທາງການເລັ່ງຊ່ວຍປະຊາຊົນທີ່ຍັງຕົກຄ້າງ

ສຳນັກຂ່າວຕ່າງປະເທດລາຍງານວ່າ: ເກີດນ້ຳຖ້ວມຄັ້ງຮຸນແຮງທີ່ສຸດໃນຮອບ 100 ປີ ທາງພາກເໜືອສຸດຂອງປະເທດອົດສະຕຣາລີ ປະຊາຊົນຫລາຍພັນຄົນຍັງຖືກນ້ຳຖ້ວມ ຕັດຂາດຈາກພື້ນທີ່ນອກເມືອງ ສົ່ງຜົນໃຫ້ທາງການຕ້ອງເລັ່ງສົ່ງ ເຮລິຄອບເຕີ ອົບພະຍົບປະຊາຊົນ ໃນສະຖານະການທີ່ມີຄວາມຫຍຸ້ງຍາກເນື່ອງຈາກຍັງມີຝົນຕົກໜັກຕິດຕໍ່ກັນຕັ້ງແຕ່ອາທິດທີ່ຜ່ານມາ.

ລັດຖະມົນຕີການຈັດການພາວະສຸກເສີນທາງສາທາລະນະສຸກ ກ່າວວ່າ: ປະຊາຊົນໃນພື້ນທີ່ກຳລັງປະເຊີນກັບນ້ຳຖ້ວມຄັ້ງໃຫຍ່ທີ່ສຸດໃນປະຫວັດສາດທີ່ເຄີຍມີມາ ບາງພື້ນທີ່ມີນ້ຳຖ້ວມເປັນໄລຍະທາງຍາວກວ່າ 50 ກິໂລແມັດ, ທາງການຄາດວ່າຈະໃຊ້ເວລາຟື້ນຟູຄວາມເສຍຫາຍຫລາຍເດືອນ