ໄປບໍ່ລອດ ! ໂຈນກໍ່ເຫດປຸ້ນຄຳປະຊາຊົນ 20 ບາດ ແລະ ຍິງກອງຫລອນບ້ານບາດເຈັບສາຫັດ 1 ຄົນ

ເຈົ້າໜ້າທີ່ ປກສ ລາຍງານຮູ້ວ່າ: ຄືນຂອງວັນທີ 6-7  ມັງກອນ 2023 ນີ້ ເກີດເຫດມີໂຈນປຸ້ນເອົາຄຳປະຊາຊົນ ຢູ່ບ້ານຫ້ວຍແດນເມືອງ ເມືອງໄຊທານີ ນະຄອນຫລວງວຽງຈັນ ຄຳເສຍຫາຍ ຈຳນວນ20 ບາດ.

ຜູ້ເຫັນເຫດການເລົ່າວ່າ: ໃນຄືນເກີດເຫດ ໂຈນໄດ້ອຳພາງໃບໜ້າໃຊ້ປືນບຸກດ່ຽວປຸ້ນເຮືອນປະຊົນ ຈາກນັ້ນ ຜູ້ເຫັນເຫດການກໍລາຍງານກອງຫຼອນບ້ານ, ພາຍຫຼັງໄດ້ຮັບການລາຍງານກອງຫຼອນບ້ານເຂົ້າໄປປິດລ້ອມແຕ່ໂຈນໄດ້ໃຊ້ປືນຍິງເປີດທາງຖືກກອງຫຼອນບ້ານບາດເຈັບສາຫັດ 1 ຄົນ ແລ້ວໂຈນກໍເອົາຕົວຫລົບໜີປພ້ອມຄຳ 20 ບາດ.

ຕໍ່ມາເຈົ້າໜ້າທີ່ໄດ້ສືບຕໍ່ແກະຮອຍພ້ອມສະກັດເປົ້າໝາຍ ແລະ ປັດຈຸບັນ, ສາມາດຈັບໂຈນໄດ້

ສ່ວນຂໍ້ມູນເບືອງຕົ້ນຊາບວ່າ ໂຈນດັ່ງກ່າວນັ້ນ ມີອາຊີບເປັນຕຳຫລວດ ສ່ວນລາຍລະອຽດຄາດວ່າເຈົ້າໜ້າທີ່ຈະລາຍງານໃນໄວໆນີ້.