ແປ້ງນົວຍິ່ງກິນກໍຍິ່ງຕຸ້ຍ
ສຳລັບຄົນລາວແລ້ວ ການໃສ່ແປ້ງນົວລົງໄປໃນອາຫານນັ້ນເປັນເລື່ອງທຳມະດາ, ແຕ່ຮູ້ຫລືບໍ່ວ່າແປ້ງນົວນັ້ນເຮັດໃຫ້ທ່ານຕຸ້ຍ ຂຶ້ນໄດ້ ໂດຍຜົນການວິໄຈນີ້ມາຈາກການຄົ້ນຄ້ວາຂອງມະຫາວິທະຍາໄລນັອດແຄໂຣໄລນ່າ ກັບ ນັກວິທະຍາສາດຈີນ ໂດຍໄດ້ທົດ ລອງກັບຄົນຈີນທັງໝົດ 750 ຄົນທີ່ປຸງແຕ່ງອາຫານກິນເອງ ແລະ ບໍ່ໄດ້ໃຊ້ຜະລິດຕະພັນອາຫານສຳເລັດຮູບ ປະມານ 82% ໃຊ້ແປ້ງນົວ ຍິ່ງຄອບຄົວໃດໃຊ້ແປ້ງນົວຫລາຍກໍຍິ່ງມີຄົນຕຸ້ຍຫລາຍເປັນ 3 ເທົ່າຂອງຜູ້ທີ່ບໍ່ໄດ້ໃຊ້ ເຊິ່ງການທົດລອງນີ້ໄດ້ຄຳນວນໃນດ້ານປັດໄຈອື່ນໆກ່ຽວກັບການອອກກຳລັງກາຍ ແລະ ກາລໍຣີທີ່ກິນເຂົ້າໄປ ແລະອ່ືນໆມາພິຈາລະນາຮ່ວມນຳ ແຕ່ກໍຍັງສະຫລຸບໄດ້ວ່າຍິ່ງກິນແປ້ງນົວກໍຍິ່ງຕຸ້ຍຂຶ້ນເທົ່ານັ້ນ.
ແປ້ງນົວ ຫລື monosodium glutamate ເປັນສານທີ່ເຮັດໃຫ້ລົດຊາດແຊບຫລາຍຂຶ້ນ ຄື ນອກເໜືອຈາກລົດຊາດປະຈຳຂອງອາຫານທັງ 4 ຄື : ສົ້ມ, ຫວານ, ເຄັມ ແລະ ຂົມ ແລະ ອອກລິດກະຕຸ້ນແຊນໃນສະໝອງດ້ານການຮັບຮູ້ ໂດຍຄາດການວ່າໃນສະຫະລັດອາເມລິການັ້ນ 50 ປີທີ່ຜ່ານມາໃຊ້ແປ້ງນົວໃນການປຸງແຕ່ງອາຫານຫລາຍເຖິງ 500 ໂຕນຕໍ່ປີ, ແຕ່ທຸກມື້ນີ້ປະລິມານທີ່ໃຊ້ກໍທະວີຈຳນວນຂຶ້ນອີກຫລາຍກ່ວາ 300 ເທົ່າ. ດັ່ງນັ້ນ, ຈຳນວນຂອງຄົນທີ່ມີນຳ້ໜັກເກີນມາດຕະຖານຈຶ່ງມີ ຫລາຍຂຶ້ນເປັນທົບເທົ່າ.
ນອກຈາກເຮັດໃຫ້ຕຸ້ຍລົງພຸງ, ມີບັນຫານຳ້ໜັກໂຕແລ້ວ ໃນບາງຄົນທີ່ແພ້ແປ້ງນົວຍັງມີອາການຂ້າງຄຽງອືື່ນໆ ຄື : ເຈັບຫົວແຮງ ແລະ ຫົວໃຈເຕັ້ນໄວໄດ້ນຳອີກ. ນອກຈາກບໍ່ມີປະໂຫຍດແລ້ວ ຍັງໃຫ້ໂທດແກ່ຮ່າງກາຍນຳອີກ.
