ນັກພະຍາກອນອາກາດຊີ້ ປີ 2022 ເປັນປີທີ່ຮ້ອນທີ່ສຸດຂອງອັງກິດ

ສຳນັກຂ່າວຕ່າງປະເທດລາຍງານ ໃນວັນທີ 6 ມັງກອນ 2023 ວ່າ: ສຳນັກງານອຸຕຸນິຍົມວິທະຍາແຫ່ງຊາດອັງກິດ ຖະແຫລງຢືນຢັນວ່າ ປີ 2022 ເປັນປີທີ່ຮ້ອນທີ່ສຸດໃນປະຫວັດສາດຂອງອັງກິດ ໂດຍກ່າວວ່າ ການປ່ຽນແປງສະພາບອາກາດທີ່ເກີດຈາກມະນຸດ ເຮັດໃຫ້ສິ່ງທີ່ຄວນຈະເປັນເຫດການຄັ້ງໜຶ່ງໃນຮອບ 500 ປີ ປ່ຽນມາເກີດຂຶ້ນ ໃນ 3-4 ແທນ, ເຊິ່ງອຸນຫະພູມສະເລ່ຍປະຈຳປີ 2022 ຢູ່ທີ່ 10.03 ອົງສາ.

ຜົນການສຶກສາສະແດງໃຫ້ເຫັນວ່າ: ການບັນທຶກອຸນຫະພູມສະເລ່ຍ 10 ອົງສາ ໃນສະພາບອາກາດຕາມທຳມະຊາດຈະເກີດປະມານ 1 ຄັ້ງໃນທຸກໆ 500 ປີ ຂະນະທີ່ສະພາບອາກາດໃນປັດຈຸບັນ ເກີດຂຶ້ນ 1 ຄັ້ງໃນທຸກໆ 3-4 ປິ. ຄວາມແປປວນຕາມທຳມະຊາດຂອງສະພາບອາກາດໃນອັງກິດ ຄືສິ່ງທີ່ບົ່ງບອກວ່າ ຈະມີຄວາມແປປວນບາງຢ່າງຢຸ່ສະເໝີໃນແຕ່ລະປີ ຢ່າງໃດກໍຕາມ ເມື່ອພິຈາລະນາເຖິງແນວໂນ້ມໃນໄລຍະຍາວແລ້ວ ມັນເປັນເລື່ອງງ່າຍທີ່ຈະຊີ້ເຖິງອິດທິພົນຂອງການປ່ຽນແປງສະພາບອາກາດທີ່ເກີດຂຶ້ນເມື່ອເວລາຜ່ານໄປ.