ສະໂມສອນດອກປິກໄກ່ຕີນາ ກວາດແຊ໊ມ 3 ລາຍການ ຊີງຂັນເລຂາທິການ ສດລ

ທີມນັກກິລາສະໂມສອນ ດອກປິກໄກ່ ຕີນາ ເມືອງຫາດ ຊາຍຟອງ ນະຄອນຫຼວງພະບາງ ສະແດງຜົນງານເກັ່ງກວາດ ແຊ໊ມໄດ້ເຖິງ 3 ລາຍການ ໃນ ການແຂ່ງຂັນກິລາດອກປິກໄກ່ ຊີງຂັນທ່ານຮອງປະທານ ແລະ ເລຂາທິການ ສະຫະພັນດອກປິກ ໄກ່ແຫ່ງຊາດລາວ ຫຼື ສດລ ໃນ ລະຫວ່າງວັນທີ 24-26 ມີນາ ຜ່ານມາ ເພື່ອເປັນການສ້າງຂະ ບວນການສະເຫຼີມສະຫຼອງວັນ ສ້າງຕັ້ງພັກປະຊາຊົນ ປະຕວັດ ລາວ ຄົບຮອບ 62 ປີ ລະຫວ່າງ ວັນທີ 22 ມີນາ 1955 ຫາ 22 ມີນາ 2017.

ສະຫະພັນດອກປິກໄກ່ແຫ່ງຊາດລາວ (ສດລ) ສົມທົບກັບ ສະໜາມກິລາໃນຮົ່ມ ມິດຕະພາບ ລາວ-ໄທ ພະແນກສຶກສາທິການ ແລະ ກິລາ ນະຄອນຫຼວງວຽງ ຈັນ (ບຶງຂະຫຍອງ) ຈັດການ ແຂ່ງຂັນກິລາດອກປິກໄກ່ໃນຮຸ່ນ ເຍົາວະຊົນ ແລະ ອາວຸໂສ ຊີງຂັນ ທ່ານຮອງປະທານ ແລະ ເລຂາ ທິການ ສດລ ໂດຍໃຫ້ກຽດເຂົ້າ ຮ່ວມ ແລະ ມອບລາງວັນຊະນະ ເລີດຂອງ ທ່ານ ສົມສະແຫວງ ແສງສີລາວົງ ຮອງປະທານ ແລະ ເລຂາທິການ ສະຫະພັນດອກປິກ ໄກ່ແຫ່ງຊາດລາວ ພ້ອມດ້ວຍ ບັນດາຄະນະບໍລິຫານງານ ສດລ, ຄະນະນຳແຕ່ລະພາກສ່ວນ, ຄູຝຶກ ແລະ ນັກກິລາ ເຂົ້າຮ່ວມຢ່າງ ຫຼວງຫຼາຍ.

ສຳລັບຈຸດປະສົງໃນການ ຈັດການແຂ່ງຂັນໃນໄລຍະ 3 ວັນ ດັ່ງກ່າວຈັດຂຶ້ນແນໃສ່ເພື່ອເປັນ ການສ້າງຂະບວນການສະເຫຼີມ ສະຫຼອງ ວັນສ້າງຕັ້ງພັກປະຊາ ຊົນ ປະຕິວັດລາວ ຄົບຮອບ 62 ປີ ພ້ອມທັງມີຄວາມໝາຍຢ່າງເລິກ ເຊ່ິງ ແລະ ເປັນການສ້າງໂອ ກາດໃຫ້ນັກກິລາຮຸ່ນສືບທອດໄດ້ມີການເຄື່ອນໄຫວຢ່າງຕໍ່ເນື່ອງ ເພື່ອພັດທະນາຕົນເອງກ້າວຂຶ້ນໄປທົດແທນນັກກິລາທີມຊາດໃນອະນາຄົດ ການແຂ່ງຂັນມີການຊີງ ໄຊກັນທັງໝົດ 8 ລາຍການ ຈາກຮຸ່ນເຍົາວະຊົນ ແລະ ອາວຸໂສ ປະກອບມີ ປະເພດດ່ຽວຊາຍ ແລະ ທີມຄູ່ຊາຍ ຮຸ່ນອາຍຸ 13 ປີ. ດ່ຽວຊາຍ ແລະ ທີມຄູ່ຊາຍ ຮຸ່ນ ອາຍຸ 15 ປີ. ດ່ຽວຍິງ ແລະ ທີມຄູ່ ຍິງ ຮຸ່ນອາຍຸ 13 ປີ. ຄູ່ຊາຍອາຍຸ 100 ປີ ຂຶ້ນໄປ.

ຜ່ານການແຂ່ງຂັນຜົນປາ ກົດວ່າ: ໃນຈຳນວນ 8 ລາຍການ ດັ່ງກ່າວທີມນັກກິລາສະໂມສອນ ຕີນ່າ ສາມາດກວາດແຊ໊ມໄປ ຄອງໄດ້ເຖິງ 3 ລາຍການ ຈາກ ປະເພດດ່ຽວຍິງຮຸ່ນອາຍຸ 13 ປີ ນາງ ພຸດສະຫວັນ, ປະເພດທີມຄູ່ ຊາຍ ຮຸ່ນອາຍຸ 13 ປີ ທ້າວຢູໂຣ+ທ້າວ ວິໄລກອນ ແລະ ປະເພດທີມ ຄູ່ຍິງ ນາງ ສຸທິດາ+ນາງ ພຸດສະ ຫວັນ. ສ່ວນແຊ໊ມອີກ 7 ລາຍ ການຄື: ປະເພດທີມຄູ່ຮຸ່ນອາຍຸ 15 ປີ ຕົກເປັນຂອງ ທ້າວ ດາວວຽງ ສິດ+ທ້າວ ສິດປະເສີດ ຈາກ ແຂວງໄຊຍະບູລີ, ດ່ຽງຊາຍອາຍຸ 13 ປີ ທ້າວ ໄຊຍະລາດ ຈາກສະ ໂມສອນ Fleet Lao, ດ່ຽວຊາຍ ອາຍຸ 15 ປີ ທ້າວ ນັດທະວຸດ ຈາກ ແຂວງໄຊຍະບູລີ, ທີມຄູ່ ຊາຍອາຍຸ 80 ທ່ານ ຈັນທະລາດ+ທ່ານ ບຸນເບົາ ແລະ ທີມຄູ່ຊາຍ ຮຸ່ນຍຸ 100 ປີ ທ່ານ ແອດຳ+ ທ່ານ ຫຸມພັນ ຈາກສະໂມສອນKPS.

ຂ່າວຈາກ:http://laosportnews.com