ສະຫະພັນບານເຕະກຳປູເຈຍ ຢືນຢັນ ຮອນດະ ລາທີມ ຫລັງຊີເກມ 2023

ສະຫະພັນບານເຕະກຳປູເຈຍ ຢືນຢັນຂ່າວວ່າ ເຄຊິເກະ ຮອນດະ ຜູ້ຈັດການທີມຊາວຍີ່ປຸ່ນ ຈະລາທີມກາງປີນີ້ ໂດຍຄຸມທີມຊຸດຊີເກມ ເປັນລາຍການສຸດທ້າຍ.

ສະຫະພັນບານເຕະກຳປູເຈຍ ປະກາດຂ່າວເລື່ອງອະນາຄົດຂອງ ເຄຊິເກະ ຮອນດະ ຜູ້ຈັດການທີມຊາດກຳປູເຈຍ ອາຍຸ 36 ປີ ໂດຍລະບຸວ່າຜູ້ຈັດການທີມຊາວ ຍີ່ປຸ່ນຈະຄຸມທີມເປັນລາຍການສຸດທ້າຍ ຄືມະຫະກຳກິລາຊີເກມ 2023.

ຈາກການຖະແຫລງການຂອງ ສະຫະພັນບານເຕະກຳປູເຈຍ ລະບຸວ່າ : “ ສະຫະພັນບານກຳປູເຈຍ ຂໍຂອບໃຈ ເຄຊິເກະ ຮອນດະ ສຳລັບການທຸ່ມເທເວ ລາສ່ວນຕົວໃຫ້ກັບທີມຊາດກຳປູເຈຍ ຕັ້ງແຕ່ເດືອນສິງຫາ ປີ 2018 ຈົນເຖິງເດືອນມັງກອນ ປີ 2023 ການແຂ່ງຂັນລະຫວ່າງທີມຊາດກຳປູເຈຍ ກັບ ທີມຊາດໄທ ເປັນນັດສຸດທ້າຍຂອງລາວກັບທີມຊາດຊຸດໃຫຍ່ ”.

“ ເຄຊິເກະ ຮອນດະ ຈະເຮັດໜ້າທີ່ຕໍ່ໄປໃນພາລະກິດສຸດທ້າຍໃນຖານະຜູ້ຈັດການທີມຂອງກຳປູເຈຍໃນຊຸດ ຢູ-22 ທີ່ມີກຳນົດການເລີ່ມເຝິກຊ້ອມໃນເດືອນ ກຸມພາ ສຳລັບການກຽມພ້ອມພ້ອມບານເຕະຊີເກມ ໃນເດືອນພຶດສະພາ 2023 ”.

ສຳລັບທີມຊາດກຳປູເຈຍ ພາຍໃຕ້ການທີມຂອງອະດີດນັກເຕະດັງຊາວຍີ່ປຸ່ນ ຈົບຮອບແບ່ງກຸ່ມດ້ວຍການເປັນອັນດັບ 3 ຂອງກຸ່ມເອ ໂດຍລົງຫລິ້ນ 4 ນັດ ຊະນະ 2 ເສຍ 2 ເກັບໄປ 6 ຄະແນນ ໂດຍ ຮອນດະ ເຊິ່ງເປັນອະດີດກອງໜ້າຂອງທີມ ເອຊີ ມິລານ ທີມດັງໃນການແຂ່ງຂັນ ກັລໂຊ ເຊເຣຍ ອາ ອິຕາລີ ເຂົ້າມາຮັບງານຄຸມທີມຊາດກຳປູເຈຍ ຕັ້ງແຕ່ປີ 2018.