ລູກາກູ ສະໜັບສະໜູນ ອອງຣີ ນັ່ງຕຳແໜ່ງຜູ້ຈັດການທີມຊາດເບລຢ້ຽມ

ໂຣເມລູ ລູກາກູ ກອງໜ້າທີມຊາດເບລຢ້ຽມ ອອກມາສະໜັບສະໜູນໃຫ້ ເທຍຣີ ອອງຣີ ຕຳນານກອງໜ້າທີມຊາດຝຣັ່ງ ເຂົ້າຮັບໜ້າທີ່ ຜູ້ຈັດການທີມຊາດເບລຢ້ຽມ ຄົນໃຫມ່.

ທີມຊາດເບລຢ້ຽມ ພວມຢູ່ລະຫວ່າງການຄົ້ນຫາຜູ້ຈັດການທີມຄົນໃຫມ່ຂອງພວກເຂົາ ຫລັງຫາກໍປະກາດແຍກທາງກັບ ໂຣແບໂຕ ມາຕີເນສ ຜູ້ຈັດການທີມຊາວສະເປນ ເນື່ອງຈາກຜົນງານໃນບານໂລກ 2022 ທີ່ກາຕ້າ ຖືວ່າຕຳ່ກວ່າຄວາມຄາດຫວັງ ເພາະຕົກຮອບແບ່ງກຸ່ມ ເຊິ່ງ ລູກາກູ ອອກມາສະໜັບສະໜູນ ເທຍຣີ ອອງຣີ ທີ່ກ່ອນໜ້ານີ້ເປັນທີມງານຂອງ ມາຕີເນສ ໃຫ້ຮັບນ້າທີ່ດັ່ງກ່າວ.

ໂດຍ ລູກາກູ ເປີດເຜີຍວ່າ : “ ສຳລັບຂ້ອຍ ອອງຣີ້ ຄືຜູ້ຈັດການທີມຄົນຕໍ່ໄປຢ່າງບໍ່ມີຂໍ້ສົງໄສ ຂ້ອຍເວົ້າຢ່າງເປີດເຜີຍວ່າລາວຈະເປັນຄູເຝິກຄົນຕໍ່ໄປ ລາວໄດ້ຮັບຄວາມເຄົາລົບຈາກນັກເຕະທຸກຄົນ ລາວເອົາຊະນະມາແລ້ວທຸກຢ່າງ ລາວຮູ້ວິທີທີ່ຄູເຝິກ ລາວຮູ້ວ່າເຮົາຕ້ອງເຮັດຫຍັດເພື່ອຈະໄປເຖິງຈຸດນີ້ ”.

“ ລາວຮູ້ຈັກທີມ, ລີກ ແລະ ທີມງານ ສຳລັບຂ້ອຍ ລາວຄືຄູເຝິກໃນອຸດົມຄະຕິສຳລັບທີມຊາດຂອງເຮົາ ຫາກບໍ່ແມ່ນ ອອງຣີ ຂ້ອຍກໍບໍ່ຮູ້ວ່າໃຜຈະຖືກຈ້າງ ແຕ່ຂ້ອຍບໍ່ຄິດວ່າ ເບລຢ້ຽມຈະໄປເລີ່ມຕົ້ນໃຫມ່ຕັ້ງແຕ່ຕົ້ນ ເຖິງວ່າທີມຊຸດນີ້ຈະບໍ່ໄດ້ແຊ໊ມ ແຕ່ເຮົາກໍພະຍາຍາມທີ່ຈະຄວ້າໄຊຊະນະ ລາວຕ້ອງການ ທີ່ຈະຊະນະ ຂ້ອຍບໍ່ຄິດວ່າສະຫະພັນຈະໄປຫາຄູເຝິກທີ່ຕ້ອງການປ່ຽນແປງທຸກຢ່າງ ແລະ ເລີ່ມຕົ້ນໃຫມ່ຕັ້ງແຕ່ຕົ້ນ ມັນບໍ່ຄຸ້ມຄ່າສຳລັບຂ້ອຍ ”.