ທ່ານ ລູລາ ສາບານຕົນຮັບຕຳແໜ່ງປະທານາທິບໍດີເບຣຊິນຄົນໃໝ່ ພ້ອມແກ້ໄຂບັນຫາຈາກຍຸກທ່ານ ໂບລໂຊນາໂຣ

ວັນທີ 1 ທັນວາ, ທ່ານ ລູອິຊ ອິນາຊິໂອ ລູລາ ດາ ຊິລວາ ໄດ້ເຂົ້າພິທີສາບານຕົນຮັບຕໍາແໜ່ງປະທານາທິບໍດີເບຣຊິນຄັ້ງທີ 3 ໃນຊີວິດ ພ້ອມໃຫ້ຄໍາໝັ້ນວ່າຈະເດີນໜ້າປ່ຽນແປງປະເທດໃຫ້ປະຊາຊົນຫລຸດພົ້ນຈາກຄວາມທຸກຍາກ ແລະ ບັນຫາການຢຽດເຊື້ອຊາດ.

ໃນການກ່າວສູນທອນພົດຕໍ່ສະພາຄອງເກຣດຫລັງເຂົ້າຮັບຕໍາແໜ່ງຜູ້ນໍາເບຣຊິນຢ່າງເປັນທາງການ ທ່ານ ລູລາ ກ່າວວ່າ: ສໍາລັບການເລືອກຕັ້ງປະທານາທິບໍດີທີ່ເກີດຂຶ້ນໃນເດືອນຕຸລາ 2022 “ປະຊາທິປະໄຕຄືຜູ້ຊະນະທີ່ແທ້ຈິງ” ໂດຍໃນຄັ້ງນັ້ນທ່ານ ລູລາ ໄດ້ຮັບໄຊຊະນະໃນການເລືອກຕັ້ງຮອບຕັດສິນ ເອົາຊະນະອະດີດປະທານາທິບໍດີຄົນກ່ອນໜ້າຄືທ່ານ ຢາອີ ໂບລໂຊນາໂຣ ດ້ວຍຄະແນນສຽງ 50,9% ຕໍ່ 49,1%.

ສໍາລັບແຜນໃນການຟື້ນຟູປະເທດຂອງຜູ້ນໍາຄົນໃໝ່ນັ້ນຈະເນັ້ນແກ້ໄຂບັນຫາທີ່ຖືກເບິ່ງຂ້າມໃນລັດຖະບານຂອງທ່ານ ໂບລໂຊນາໂຣ ທັງການປົກປ້ອງສິ່ງແວດລ້ອມໃນປ່າຝົນອາເມຊອນ, ການແກ້ໄຂບັນຫາດ້ານກົດໝາຍຄວບຄຸມອາວຸດປືນ ແລະ ການປົກປ້ອງຊົນເຜົ່າພື້ນເມືອງ ແລະ ຊົນກຸ່ມນ້ອຍ ລວມທັງການປ່ຽນແປງເບຣຊິນໃຫ້ເປັນຜູ້ນໍາດ້ານພະລັງງານສີຂຽວ.

ອ້າງອີງ:

• https://www.bbc.com/news/world-latin-america-64138739
• https://www.reuters.com/world/americas/lula-returns-office-troubled-divided-brazil-2023-01-01/