5 ທັກສະຕ້ອງມີ ໃນປີ 2023

– ທັກສະການສື່ສານ (Communicating Skill)
ທັກສະນີ້ມີຫລາຍກວ່າ ການເວົ້າ ແຕ່ລວມທັງທັກສະການຟັງ, ການປັບຕົວເຂົ້າຫາຄົນອື່ນ, ການສ້າງມິດຕະພາບ, ການສະແດງຄວາມຄິດເຫັນ, ການເຄົາລົບຄົນອື່ນ ແລະ ການສື່ສານທາງພາສາກາຍ. ທັກສະນີ້ຈຶ່ງມີຄວາມສໍາຄັນຢ່າງຫລວງຫລາຍໃນການເຮັດວຽກຕັ້ງແຕ່ການສໍາພາດ, ການປະຊຸມ, ການສື່ສານພາຍໃນອົງກອນ ແລະ ການເຮັດວຽກເປັນທີມ
– ທັກສະທາງອາລົມ (Emotional Intelligence)
ທັກສະນີ້ໝາຍເຖິງຄວາມສາມາດໃນການຮັບຮູ້ ແລະ ເຂົ້າໃຈຄວາມຮູ້ສຶກຂອງຕົນເອງວ່າສົ່ງຜົນຕໍ່ຕົນເອງ ແລະ ຄົນອື່ນແນວໃດ ເຊິ່ງເປັນທັກສະທີ່ມີຄວາມສໍາຄັນໃນການໃຊ້ຊີວິດ ແລະ ການເຮັດວຽກ ຫາກທ່ານມີທັກສະນີ້ກໍຈະສາມາດພັດທະນາທັກສະດ້ານການສື່ສານ, ການແກ້ໄຂບັນຫາ ແລະ ການຈັດການໄດ້ດີຂຶ້ນ
– ທັກສະຄວາມຄິດທີ່ອົດທົນ (Cognitive Flexibility)
ໃນໂລກທີ່ບໍ່ມີຄວາມແນ່ນອນ ທັກສະນີ້ຈະຊ່ວຍໃຫ້ເຮົາສາມາດປັບຕົວ ແລະ ປ່ຽນແປງໃຫ້ສອດຄ່ອງກັບສະຖານະການອ້ອມຂ້າງທີ່ປ່ຽນແປງໄປໄດ້ ບໍ່ວ່າຈະເປັນເຫດການທີ່ບໍ່ໄດ້ວາງແຜນໄວ້, ແຜນການທີ່ຕ້ອງປ່ຽນຢ່າງຮີບດ່ວນ ຫລື ເຫດການກະທັນຫັນ, ເຮົາຈະເປັນຄົນໜຶ່ງທີ່ສາມາດເບິ່ງສະຖານະການໄດ້ກວ້າງຂຶ້ນໄດ້ ເຊິ່ງນໍາໄປສູ່ວິທີການແກ້ບັນຫາ ແລະ ຮັບມືຢ່າງຫລາກຫລາຍ, ຖືໄດ້ວ່າເປັນອີກໜຶ້່ງທັກສະທີ່ສໍາຄັນກໍວ່າໄດ້
– ທັກສະການຕັດສິນໃຈ (Decision Making)
ເຮົາທຸກຄົນຕ້ອງໄດ້ຕັດສິນໃຈໃນທຸກໆມື້ ທັກສະນີ້ຈຶ່ງມີຄວາມສໍາຄັນ ໂດຍສະເພາະເມື່ອເຮົາຕ້ອງຕັດສິນໃຈສິ່ງສໍາຄັນທີ່ມີຜົນຕໍ່ຕົນເອງ, ອົງກອນ ຫລ ທຸລະກິດ, ຖ້າມີທັກສະນີ້ ເຮົາຈະສາມາດນໍາເອົາຂໍ້ເທັດຈິງທີ່ມີມາວິເຄາະຢ່າງມີເຫດຜົນ ແລະ ຕັດສິນໃຈຢ່າງຖືກຕ້ອງໄດ້ ເພື່ອນໍາໄປສູ່ການບັນລຸເປົ້າໝາຍຂອງເຮົາ ຫລື ອົງກອນ
– ຄວາມທົນທານ (Resilience)
ຄວາມອົດທົນ ໝາຍເຖິງທັກສະໃນການຮັບມື ແລະ ປັບຕົວກັບສະຖານະການທີ່ທ້າທາຍໃນຊີວິດ ຖ້າມີທັກສະນີ້ເຮົາຈະສາມາດຮັບມືກັບຄວາມຜິດຫວັງໄດ້ດີຍິ່ງຂຶ້ນ, ເພາະມັນເປັນໜຶ່ງໃນຄວາມບໍ່ແນ່ນອນໃນຊີວິດ, ເຮົາຈະຍັງພັດທະນາກ້າວໜ້າຕໍ່ໄປໄດ້ເຖິງແມ່ນວ່າຈະພົບກັບຄວາມບໍ່ແນ່ນອນໃນຊີວິດ ແຕ່ກໍເວົ້າໄດ້ວ່າທັກສະນີ້ຈໍາເປັນ ແລະ ສໍາຄັນຢ່າງຍິ່ງທີ່ຕ້ອງມີໃນປີ 2023
.
ນີ້ແມ່ນທັກສະ 5 ຢ່າງທີ່ເຮົາຄວນມີໃນປີໜ້າ ເພື່ອເປັນຄົນໃໝ່ທີ່ດີກວ່າເກົ່າ