ສປ ຈີນ ເລີ່ມສ້າງຖານພະລັງງານແສງຕາເວັນ-ລົມ
ຈີນ ເລີ່ມດໍາເນີນການກໍ່ສ້າງ ຖານພະລັງງານ ແສງຕາເວັນ ແລະ ພະລັງງານລົມ ຂະໜາດໃຫຍ່ ເທິງທະເລຊາຍ. ໂຄງການນີ້ ຈະມີກຳລັງ ການຜະລິດ ຕິດຕັ້ງລວມ 16 ລ້ານກິໂລວັດ ຈະເປັນຖານການຜະລິດຕິດຕັ້ງ ພະລັງງານ ແສງຕາເວັນ ແລະ ພະລັງງານລົມ ເທິງທະເລ ທີ່ມີຂະໜາດໃຫຍ່ທີ່ສຸດ ໃນໂລກ. ບໍລິສັດ ໄຊນາ ທຣິກໍຣເຈສ ຄໍເປີເຣຊັນ ແລະ ບໍລິສັດ ອິນເນີ ມົງໂກລີ ເອັນເນີຈີ ກຣຸບຈຳກັດ ຈະເປັນຜູ້ພັດທະນາ ໂຄງການນີ້ ເທິງທະເລຊາຍ “ຄູ່ປູ້ສີ”ເຂດປົກຄອງຕົນເອງ ມົງໂກລີ ທາງພາກເໜືອ ຂອງຈີນ, ຖານພະລັງງານ ແຫ່ງນີ້ ຈະສາມາດ ແຈກຢາຍໄຟຟ້າ ປະມານ 4 ໝື່ນລ້ານກິໂລວັດ ຕໍ່ຊົ່ວໂມງ ຕໍ່ປີ ໃຫ້ແກ່ພາກພື້ນ ປັກກິ່ງ–ທຽນຈິນ-ເຫີເປີ່ຍ ຫລັງຈາກກໍ່ສ້າງສຳເລັດໂດຍເກືອບເຄິ່ງໜຶ່ງຂອງພະລັງງານ 4 ໝື່ນລ້ານກິໂລວັດ ຕໍ່ຊົ່ວໂມງຕໍ່ປີ ຈະເປັນພະລັງງານສະອາດ ຊຶ່ງທຽບເທົ່າກັບ ປະຢັດຖ່ານຫີນມາດຕະຖານ ປະມານ 6 ລ້ານໂຕນ ແລະ ຫລຸດກາກບອນໄດອອກຊິດ ປະມານ 16 ລ້ານໂຕນ.
