ສປ ຈີນ ຈະອອກໜັງສືຜ່ານແດນ-ວີຊາ ໃຫ້ແກ່ປະຊາຊົນໃນຕົ້ນປີ 2023
ສຳນັກຂ່າວຕ່າງປະເທດລາຍງານວ່າ: ລັດຖະບານ ສປ ຈີນ ກຽມເປີດ ບໍລິການ ຄືນໃໝ່ ກ່ຽວກັບ ການອະນຸມັດ ເຮັດໜັງສື ຜ່ານແດນ ແລະ ວີຊາ (Passport-Visa) ໃຫ້ແກ່ ພົນລະເມືອງທົ່ວໄປ ເລີ່ມຕັ້ງແຕ່ ວັນທີ 8 ມັງກອນ 2023 ເພື່ອໃຫ້ ສອດຄ່ອງກັບການກຽມເປີດປະເທດຢ່າງເປັນທາງການ ຫລັງຈາກ ສຳນັກງານກວດຄົນ ເຂົ້າເມືອງແຫ່ງຊາດຈີນ ອອກຖະແຫລງ ກ່ຽວກັບການກຽມປັບປຸງ ປະສິດທິພາບຄວາມເໝາະສົມ ຂອງນະໂຍບາຍ ແລະ ມາດຕະການ ບໍລິຫານ ຈັດການກວດຄົນເຂົ້າ ເມືອງ ຕາມຊຸດມາດຕະການໃໝ່ ໃນການຮັບມື ໂຄວິດ-19 ເພື່ອແນໃສ່ ເປີດການທ່ອງທ່ຽວ ທັງພາຍໃນ ແລະ ຕ່າງປະເທດ.
ຂະນະດຽວກັນ ສຳນັກງານ ກວດຄົນເຂົ້າເມືອງ ຈະຟື້ນຟູ ການບໍລິການ ຂໍວີຊາເປັນປົກກະຕິ. ໃບອະນຸຍາດ ທີ່ຢູ່ອາໄສ ແລະ ໃບຢັ້ງຢືນທີ່ຢູ່ ສໍາລັບ ຄົນຕ່າງປະເທດ ຂັ້ນຕອນ ຮີບດ່ວນ ອາດຈະຖືກ ປະຕິບັດ ຖ້າຈໍາເປັນ. ລວມທັງ ການບໍລິ ການ ອອກວີຊາ ຢູ່ດ່ານກວດຄົນ ເຂົ້າເມືອງ ນະໂຍບາຍ ການເດີນທາງ ທີ່ບໍ່ມີ ວີຊາ 24/72/144 ຊົ່ວໂມງ ແລະ ໃບອະນຸຍາດ ທີ່ຢູ່ອາໄສ
