ລັດຖະມົນຕີກະຊວງປ້ອງກັນປະເທດ ຕ້ອນຮັບເອກອັກຄະລັດຖະທູດອິນເດຍປະຈຳລາວ ເຂົ້າຢ້ຽມອຳລາ
December 31, 2022 - 12:33 PM
ວັນທີ 29 ທັນວາ 2022 ຜ່ານມາ ທີ່ກະຊວງປ້ອງກັນປະເທດ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ໃຫ້ກຽດຕ້ອນຮັບການເຂົ້າຢ້ຽມອຳລາຂອງ ທ່ານ ດິນຄາຣ໌ ແອັດທານາ ເອກອັກຄະລັດຖະທູດອິນເດຍ ປະຈຳ ສປປ ລາວ ເຂົ້າຢ້ຽມອຳລາ ໃນໂອກາດທີ່ ທ່ານ ສຳເລັດໜ້າທີ່ທາງການທູດຢູ່ ສປປລາວ ແລະ ຈະເດີນທາງ ກັບຄືນປະເທດ ເພື່ອຮັບໜ້າທີ່ໃໝ່. ໂອກາດດັ່ງກ່າວ ທ່ານ ພົນເອກ ຈັນສະໝອນ ຈັນຍາລາດ ໄດ້ກ່າວສະແດງຄວາມຍິນດີຕ້ອນຮັບອັນອົບອຸ່ນ ແລະ ຊົມເຊີຍຕໍ່ຜົນງານການເຮັດວຽກຂອງທ່ານ ດິນຄາຣ໌ ແອັດທານາ ໃນໄລຍະປະຈຳການເຮັດວຽກທາງການທູດ ຢູ່ ສປປ ລາວ, ເຊິ່ງມີ ຜົນງານຫຼາຍອັນທີ່ພົ້ນເດັ່ນ ແລະປະກົດຜົນເປັນຈິງ, ຖືເປັນການປະ ກອບສ່ວນອັນສຳຄັນ ແລະ ໃຫຍ່ຫຼວງໃນການເສີມຂະຫຍາຍສາຍພົວພັນການຮ່ວມມືລະຫວ່າງສອງຊາດ, ສອງກອງທັບ. ລາວ-ອິນເດຍ. ອິນເດຍ-ລາວໃນໄລຍະຜ່ານມາ. ໂອກາດດັ່ງກ່າວ ທ່ານ ດິນຄາຣ໌ ແອັດທານາກໍໄດ້ ກ່າວສະແດງຄວາມຂອບໃຈຢ່າງຈິງໃຈຕໍ່ການຕ້ອນຮັັບອັນອົບ ອຸ່ນຂອງ ທ່ນຮອງນາຍົກລັດຖະມົນຕີ, ລັດຖະ ມົນຕີກະຊວງປ້ອງກັນປະເທດ. ທ່ານ ກ່າວວ່າ: ໃນໄລຍະຂອງການເຮັດໜ້າທີ່ທາງການທູດ ປະຈຳ ສປປ ລາວ ທີ່ຜ່ານມາມີຄວາມສະດວກສະບາຍ, ໄດ້ຮັບການຊ່ວຍເຫຼືອຮ່ວມມືຢ່າງໃກ້ຊິດຕິດ ແທດຈາກກອງທັບ ປະຊາຊົນລາວ ແລະ ລັດຖະບານລາວ, ເຊິ່ງຖືເປັນການປະກອບສ່ວນເພີ່ມທະວີຮັດແໜ້ນ ສາຍພົວ ພັນລະຫວ່າງສອງຊາດ, ສອງກອງທັບອິນເດຍ-ລາວ , ລາວ-ອິນເດຍ ໃຫ້ແໜ້ນແຟ້ນຂຶ້ນຕື່ມ. ພ້ອມດຽວກັນນັ້ນ, ທ່ານ ພົນເອກ ຈັນສະໝອນ ຈັນຍາລາດ ໄດ້ກ່າວອວຍພອນໃຫ້ ທ່ານ ດິນຄາຣ໌ ແອັດທານາ ເດີນທາງກັບຄືນປະເທດດ້ວຍຄວາມສະຫວັດດີພາບ.
