ສະຫະລັດ ໃຊ້ມາດຕະການເຂັ້ມ ຜູ້ທີ່ເດີນທາງຈາກປະເທດຈີນຕ້ອງກວດໂຄວິດ-19

ສຳນັກຂ່າວຕ່າງປະເທດລາຍງານວ່າ: ວັນທີ 29 ທັນວາ 2022 ນີ້, ເຈົ້າໜ້າທີ່ໜ່ວຍງານສາທາລະນະສຸກຂອງສະຫະລັດ ເປີດເຜີຍມາດຕະການຄຸມເຂັ້ມໃໝ່ ສຳລັບຜູ້ທີ່ເດີນທາງມາຈາກປະເທດຈີນ ເລີ່ມມີຜົນບັງຄັບໃຊ້ຕັ້ງແຕ່ວັນທີ 5 ມັງກອນນີ້ ໂດຍທ່ອງທ່ຽວ ທຸກຄົນທີ່ເດີນທາງມາຈາກປະເທດຈີນ, ຮ່ອງກົງ, ມາເກົ້າ ຈະຕ້ອງມີຜົນກວດຫາເຊື້ອໂຄວິດເປັນລົບ ບໍ່ເກີນ 48 ຊົ່ວໂມງກ່ອນອອກເດີນທາງ ແລະ ຕ້ອງສະແດງຫລັກຖານດັ່ງກ່າວຕໍ່ເຈົ້າໜ້າທີ່ສາຍການບິນກ່ອນຂຶ້ນຍົນ ສ່ວນຄົນທີ່ຫາກໍຕິດເຊື້ອໂຄວິດຫລາຍກວ່າ 10 ວັນ ກ່ອນອອກເດີນທາງ ຕ້ອງສະແດງເອກະສານຮັບຮອງວ່າປິ່ນປົວເຊົາແລ້ວ ແທນການສະແດງຜົນກວດເປັນລົບ, ມາດຕະການນີ້ ຈະຄວບຄຸມຜູ້ໂດຍສານທຸກຄົນທີ່ເດີນທາງມາຈາກປະເທດຈີນ.