ແມນຢູ ຄອງແຊ໊ມແຟນບານເຂົ້າສະໜາມສະເລ່ຍສູງສຸດປີ 2022
ແມນເຊສເຕີ ຢູໄນເຕັດ ຄອງແຊ໊ມທີມບານເຕະທີ່ມີແຟນບານເຂົ້າສະໜາມສະເລ່ຍຕໍ່ເກມຫລາຍທີ່ສຸດໃນປີປະຕິທິນ 2022 ດ້ວຍຕົວເລກ 73,690 ຄົນ ເໜືອ ບາເຊໂລນາ ທີ່ມາເປັນອັນດັບ 2 ດ້ວຍຈຳນວນ 71,564 ຄົນ.
ແມນເຊສເຕີ ຢູໄນເຕັດ ທີມໃຫຍ່ແຫ່ງພຣີເມຍລີກ ອັງກິດ ຄອງແຊ໊ມສະໂມສອນບານເຕະທີ່ມີແຟນບານເຂົ້າຊົມໃນສະໜາມ ສະເລ່ຍສູງສຸດໃນວົງ ການບານເຕະໂລກ ປະຈຳປີ 2022 ໂດຍມີແຟນບານເຂົ້າຊົມເກມໃນສະໜາມສະເລ່ຍໃນສະໜາມ ໂອນ ແທຣບຟອດ ສະເລ່ຍເກມລະ 73,690 ຄົນ ຈາກຄວາມບັນຈຸທັງຫມົດ 74,310 ບ່ອນນັ່ງ ເຖິງວ່າແຟນບານຈະເຮັດການປະທ້ວງຕະກູນເກລເຊີ ຜູ້ເປັນເຈົ້າຂອງສະໂມສອນດ້ວຍການນັດກັນ ບໍ່ເຂົ້າສະໜາມຫລາຍຄັ້ງໃນຮອບປີທີ່ຜ່ານມາກໍຕາມ ຈາກການລາຍງານຂອງ The Sun ສື່ຊື່ດັງໃນອັງກິດ.
ນອກເໜືອຈາກ ແມນຢູ ທີ່ຄອງອັນດັບ 1 ແລ້ວ 10 ອັນດັບທຳອິດ ເປັນສະໂມສອນໃຫຍ່ໃນຢູໂຣບທັງຫມົດ ໂດຍອັນດັບ 2 ເປັນ ບາເຊໂລນາ ທີມໃຫຍ່ແຫ່ງ ລາ ລີກາ ສະເປນ ທີ່ມີແຟນບານເຂົ້າຊົມເກມໃນສະໜາມສະປອດຕິຟາຍ ຄຳ ນູ ສະເລ່ຍເກມລະ 71,564 ຄົນ ຈາກຄວາມບັນຈຸ 99,354 ບ່ອນນັ່ງ ອັນດັບ 3 ເປັນ ໂບຣຸສເຊຍ ດອດມຸນ ທີມດັງໃນບຸນເດສລີກາ ເຢຍລະມັນ ຜູ້ຊົມສະເລ່ຍ 62,892 ຄົນຕໍ່ເກມຈາກຄວາມບັນຈຸ 81,365 ຄົນ.
ສະຫລຸບ 10 ອັນດັບສະໂມສອນທີ່ມີຜູ້ຊົມໃນສະໜາມຕໍ່ເກມສູງສຸດໃນປີ 2022 ອັນດັບ 1. ແມນເຊສເຕີ ຢູໄນເຕັດ.
- ບາເຊໂລນາ.
- ໂບຣຸສເຊຍ ດອດມຸນ.
- ເວສແຮມ ຢູໄນເຕັດ.
- ບາເຢິນ ມິວນິກ.
- ທັອດແນມ ຮັອດສະເປີ.
- ອາເຊນອລ.
- ເຊລຕິກ.
- ອິນເຕີ ມິລານ.
- ເອຊີ ມິລານ.
