ເກີດເຫດໄຟໄໝ້ກາສິໂນໃນກຳປູເຈຍ ມີຜູ້ເສຍຊີວິດແລ້ວຢ່າງໜ້ອຍ 6 ຄົນ

ເກີດເຫດໄຟໄໝ້ກາສິໂນ ແກຣນໄດມອນ ປອຍເປດ ປະເທດກໍາປູເຈຍ ດົນກວ່າ 7 ຊົ່ວໂມງ ພົບພະນັກງານ ແລະ ນັກທ່ອງທ່ຽວ. ເບື້ອງຕົ້ນມີລາຍງານຜູ້ເສຍຊີວິດຢ່າງໜ້ອຍ 6 ຄົນ, ບາດເຈັບ ແລະ ສູນຫາຍຈຳນວນຫລາຍ.

ເຫດໄຟໄໝ້ເກີດຂຶ້ນເມື່ອເວລາ 02:00 ໂມງ ຂອງວັນທີ 29 ທັນວາ. ໄຟເລີ່ມລຸກໄໝ້ຢູ່ຊັ້ນ 2 ຈາກນັ້ນລຸກລາມໄປຊັ້ນ 3 ແລະ ລາມຂຶ້ນຕຶກ ກວດສອບເບື້ອງຕົ້ນພົບວ່າມີພະນັກງານຄົນ ແລະ ນັກທ່ອງທ່ຽວຄົນຕົກຄ້າງຢູ່ພາຍໃນຈຳນວນຫລາຍ.

ທາງການກໍາປູເຈຍໄດ້ປະສານຂໍລົດມອດໄຟຈາກໄທເຂົ້າໄປຊ່ວຍມອດໄຟ ແລະ ອົບພະຍົບຜູ້ບາດເຈັບອອກອາຄານ ແລະ ມີລາຍງານວ່າບາງຄົນໜີຕາຍດ້ວຍການໂດດລົງມາຈາກຕຶກ 5 ຊັ້ນ.

ຫລ້າສຸດສາມາດຄວບຄຸມໄຟໄດ້ແລ້ວ ເບື້ອງຕົ້ນມີລາຍງານຜູ້ເສຍຊີວິດຢ່າງໜ້ອຍ 6 ຄົນ ແລະ ບາດເຈັບຈຳນວນຫລາຍ.

ສໍາລັບ “ແກຣນໄດມອນ” ຖືເປັນກາສິໂນຂະໜາດໃຫຍ່ 1 ໃນ 10 ຂອງປອຍເປດ ປະເທດກໍາປູເຈຍ ທີ່ຕັ້ງຢູ່ກົງກັນຂ້າມກັບຕະຫລາດໂຮງເກືອ ແລະ ແຂວງສະແກ້ວ ປະເທດໄທ.