ແຟນບານແມນຢູ ພ້ອມໃຈກັນອອກມາດ່າສະໂມສອນ ຫລັງພາດໄດ້ ພັກໂປ ພ້ອມໄລ່ຕະກູນເກລເຊີ

ຄວາມເຄື່ອນໄຫວຫລັງຈາກ ພີເອສວີ ໄອໂຮເຟັນ ປະກາດປ່ອຍຕົວ ໂຄດີ ພັກໂປ ປີກຕົວເກ່ັງທີມຊາດເນເທີແລນ ໄປເປັນນັເຕະໃຫມ່ຂອງລີເວີພູລ ປາດໜ້າ ແມນເຊສເຕີ ຢູໄນເຕັດ ທີ່ມີຂ່າວລືມາຕະຫລອດ 6 ເດືອນ ສຳລັບແຟນບານລີເວີພູລ ເຖິງວ່າພວກເຂົາຈະບໍ່ໄດ້ສິ່ງທີ່ຕ້ອງການໃນໄລຍະຄຣິສມາສ ແຕ່ຍັງມີເກມສຳຄັນທີ່ຊົດເຊີຍໃຫ້ ຫລັງແມນຢູ ຄວ້າໄຊເຫນືອ ແອສຕັນ ວິລລາ 3-1 ເກັບ 3 ຄະແນນໃນພຣີເມຍລີກ ອັງກິດ.

ຈາກການລາຍງານຂອງ ສະປອດໄບເບິລ ເມື່ອ ໂຄດີ ພັກໂປ ດາວເດ່ັນຈາກບານໂລກ 2022 ອາຍຸ 23 ປີ ຕົກລົງຍ້າຍໄປຢູ່ກັບລີເວີພູລ ຮຽບຮ້ອຍແລ້ວ ເຫດການນີ້ເຮັດໃຫ້ແຟນບານ ແມນຢູ ທົ່ວໂລກອອນລາຍເດືອດເປັນໄຟພ້ອມໃຈກັນຕິດແຮັດແທັກເກລເຊີອອກໄປ #GlazersOutNOW  ໃນທະວິດເຕີ ແລະ ອອກມາຄອມເມັນດ່າເຖິງສະໂມສອນນຳອີກ ດັ່ງຂໍ້ຄວາມລຸ່ມນີ້ :

• ພັກໂປ ບອກ ແມນຢ”ູ ໃຫ້ມາຮັບລາວ ແລະ ຢາກຍ້າຍໄປ ເທນ ຮາກ ຕ້ອງການລາວຕັ້ງແຕ່ລະດູການຜ່ານມາ ຫລັງຈາກສູນເສຍກອງໜ້າຢ່າງ ຄຣິສຕຽນໂນ ໂຣນັລໂດ ແຕ່ລີເວີພູລ ພວມຈະເຊັນສັນຍາກັບ ພັກໂປ ນີ້ເປັນເພາະເກລເຊີ.
• ຄົນທຳອິດ ເດິ ຢອງ ຫລ້າສຸດ ພັກໂປ ຕົວຕະຫລົກເຫລ່ົານີ້ຄວນອອກຈາກສະໂມສອນໂດຍໄວ້ທີ່ສຸດ ເຮົາເມື່ອຍແທ້ໆ ກັບວິທີການບໍລິຫານສະ ໂມສອນແບບນີ້.
• ຂ້ອຍບໍ່ແປກໃຈເລີຍທີ່ເຮົາພາດ ພັກໂປ ນີ້ຄືສິ່ງທີ່ ເກລເຊີ ເຮັດ ສ່ວນທີ່ເສົ້າທີ່ສຸດຄືລາວເນັ້ນໄປກາກຸ່ມຜູ້ລົງທຶນຫລາຍກວ່າ.
• ເກລເຊີ ຮູ້ວ່າ ເທນ ນາກ ຕ້ອງການ ພັກໂປ ແລະ ພວມກັ່ນຕອງເຖິງຄ່າໃຊ້ຈ່າຍສຳລັບນັກເຕະທີ່ຕ້ອງການຫລາຍທີ່ສຸດ ຈາກນນັ້ນຄູ່ແຂ່ງກໍປາດ ໜ້າເຮົາໄປ ສະໂມສອນແຫ່ງນີ້ບໍ່ເຄີຍທີ່ຈະເຮັດໃຫ້ເຮົາປະຫລາດໃຈ.