3 ທີມພຣີເມຍລີກ ເປີດເສິກຊີງຕົວ ເອັນໂຊ ເຟີນານເດສ ເສີມແດນກາງ

ສື່ລາຍງານວ່າ 3 ທີມພຣີເມຍລີກ ປະກອບດ້ວຍ ແມນເຊສເຕີ ຢູໄນເຕັດ, ລີເວີພູລ ແລະ ເຊລຊີ ສົນໃຈຄວ້າ ເອັນໂຊ ເຟີນານເດສ ກອງກາງຂອງ ເບນຟີກາ ມາຮ່ວມທີມໃນຕະຫລາດນັກເຕະລະດູການໜ້າ.

ສຳລັບ ເຟີນານເດສ ສ້າງຜົນງານໄດ້ຢ່າງໂດດເດ່ັນໃນການແຂ່ງຂັນບານເຕະໂລກ 2022 ທີ່ຜ່ານມາ ຫລັງມີສ່ວນສຳຄັນໃນການພາ ອາເຈນຕີນາ ຄວ້າແຊ໊ມບານໂລກ ສະໄຫມທີ 3 ມາຄອງໄດ້ສຳເລັດ ພ້ອມຄວ້າຕຳແໜ່ງດາວຮຸ່ງດີເດ່ັນປະຈຳລາຍການນຳອີກ.

ຈາກຜົນງານດັ່ງກ່າວທີ່ເກີດຂຶ້ນເຮັດໃຫ້ມີຂ່າວວ່າຫລາຍທີ່ມດັງຂອງຢູໂຣບພວມຈັບຕາເບິ່ງສະຖານະການຂອງນັກເຕະອາຍຸ 21 ປີລາຍນີ້ ຈົນຫລ້າສຸດ Sport Time ສື່ຈາກເກຣັກ ເປີດເຜີຍວ່າ ແມນເຊສເຕີ ຢູໄນເຕັດ ແລະ ລີເວີພູລ ຕ່າງສະໜັບສະໜູນເພື່ອເຊັນສັນຍາກັບ ເຟີນານເດສ ໃນຕະ ຫລາດນັກເຕະເດືອນມັງກອນ 2023 ນີ້.

ຂະນະທີ່ Daily Record ສື່ຈາກສະກັອດແລນ ລາຍງານເພີ່ມວ່າ ເຊລຊີ ກຽມຈ່າຍຄ່າຕົວເປັນສະຖິຕິສະໂມສອນໃຫ້ກັບ ເບນຟີກາ ເພື່ອດຶງ ເຟີນານເດສ ມາເສີມທີມໃນຕະຫລາດທີ່ຈະມາເຖິງນີ້.

ທັງນີ້ ເປັນທີ່ເຂົ້າໃນວ່າ ເບນຟີກາ ບໍ່ຕ້ອງການປ່ອຍ ເຟີນານເດສ ອອກຈາກທີມໃນຕະຫລາດຮອບນີ້ ຫາກບໍ່ໄດ້ລາຄາ ເຊິ່ງເປັນຄ່າຈີກສັນຍາດ້ວຍຈຳນວນ 120 ລ້ານປອນ.