ຍີ່ປຸ່ນ ກຳລັງປະເຊີນກັບຫິມະຕົກໜັກຜິດປົກກະຕິ ເສຍຊີວິດແລ້ວ 17 ຄົນ

ສຳນັກຂ່າວຕ່າງປະເທດລາຍງານວ່າ: ວັນທີ 26 ທັນວາ 2022 ນີ້ ເຈົ້າໜ້າທີ່ສຳນັກງານຈັດການໄພພິບັດຂອງຍີ່ປຸ່ນ ເປີດເຜີຍເຖິງສະຖານະການໄພໜາວ ເກີດຫິມະຕົກໜັກໃນຫລາຍພາກຂອງຍີ່ປຸ່ນ ຕັ້ງແຕ່ອາທິດທີ່ຜ່ານມາ ເຮັດໃຫ້ລົດໃຫຍ່ຫລາຍຮ້ອຍຄັນຕິດຂັດຢູ່ທາງຫລວງ ບໍ່ສາມາດແລ່ນໄປ-ມາໄດ້ ລວມທັງການຊ່ວຍເຫລືອທີ່ຊັກຊ້າ ເປັນເຫດເຮັດໃຫ້ມີຜູ້ເສຍຊີວິດແລ້ວ 11 ຄົນ ຕັ້ງແຕ່ວັນທີ 24 ທັນວາ ທີ່ຜ່ານມາ, ມາຮອດວັນທີ 26 ທັນວາ ມີຄົນເສຍຊີວິດເພີ່ມຂຶ້ນ 17 ຄົນ ແລະ ບາດເຈັບອີກ 93 ຄົນ.

ສຳນັກງານຈັດການໄພພິບັດຂອງຍີ່ປຸ່ນແຈ້ງວ່າ ຜູ້ເສຍຊີວິດ ແລະ ບາດເຈັບຈຳນວນຫລາຍ ສາເຫດມາຈາກການພະຍາຍາມໄປຕັກຫິມະອອກຈາກຫລັງຄາເຮືອນ ແລ້ວຕົກລົງມາ .