ແມນຢູ ພິຈາລະນາ ຄວ້າ ມາຕີເນສ ມືກາວທີມຊາດອາເຈນຕີນາ

ແມນເຊສເຕີ ຢູໄນເຕັດ ເລັງເປົ້າຄວ້າ ເອມີເລຍໂນ ມາຕີເນສ ຜູ້ຮັກສາປະຕູມືກາວທີມຊາດອາເຈນຕີນາຊຸດແຊ໊ມໂລກ 2022.

ສຳລັບ ມາຕີເນສ ອາຍຸ 30 ປີ ຫາກໍມີສ່ວນສຳຄັນໃນການພາທີມຊາດອາເຈນຕີນາ ຄວ້າແຊ໊ມບານໂລກ 2022 ທີ່ປະເທດກາຕາມາຄອງຢ່າງຍິ່ງໃຫຍ່ ແລະ ຕາມລາຍງານຫລ້າສຸດລະບຸວ່າ ຜົນການຫລິ້ນອັນໜຽວຂອງລາວ ໄປເຂົ້າຕາ ເອຣິກ ເທນ ຮາກ ຜູ້ຈັດການທີມແມນເຊສເຕີ ຢູໄນເຕັດ ທ່າມກາງກະແສຂ່າວແມນເຊສເຕີ ຢູໄນເຕັດ  ອາດບໍ່ແມ່ນຕົວເລືອກຂະຫຍາຍສັນຍາ ດາບິດ ເດເຄອາ ທີ່ພວມຈະຫມົດສັນຍາກັບທີມຫລັງຈົບລະດູການນີ້ ແລະ ມາຕີນ ດູບຣາຟກາ ທີ່ຢືມມາຈາກນິວຄາສເຊິສ ກໍຜົນງານບໍ່ດີ ແລະ ບໍ່ໜ້າຈະຊື້ຂາດ.

ທັງນີ້ ອຸປະສັກຂອງແມນຢູ ກໍຄືຕ້ອງຍາດຊີງກັບ ບາເຢິນ ມິວນິກ ແລະຄ່າຕົວກໍຄົງຈະບໍ່ຖືກແນ່ນອນ ເພາະ ມາຕີເນສ ຫາກໍຈະຕໍ່ສັນຍາກັບ ແອສຕັນ ວິລລາ ໄປຈົນເຖິງປີ 2027 ນັ້ນເອງ.