ກົບຫາຍຕົວໄດ້

ໃນການເອົາຊີວິດລອດຂອງສິ່ງມີຊີວິດຫລາຍສາຍພັນໃນໂລກ “ການອໍາພາງຕົວ” ຖືວ່າເປັນໜຶ່ງໃນທັກສະສໍາຄັນທີ່ຈະຊ່ວຍໃນການລ່າ ຫລື ຫລົບໜີນັກລ່າ, ດັ່ງນັ້ນສັດຫລາຍຊະນິດຈຶ່ງວິວັດທະນາການອໍາພາງຕົວຂອງຕົວເອງຂຶ້ນມາເລື້ອຍໆ

.

ແຕ່ສໍາລັບ ກົບແກ້ວ (Hyalinobatrachium fleischmanni) ນັ້ນ ມີວິທີການອໍາພາງຕົວທີ່ລໍ້າກວ່າສັດຊະນິດອື່ນໆ

.

ເພາະພວກມັນໃຊ້ວິທີເຮັດໃຫ້ຮ່າງກາຍ ກຶ່ງໂປ່ງໃສຈົນເຮັດໃຫ້ມັນສາມາດນອນເທິງໃບໄມ້ສີຂຽວໄດ້ໝົດມື້ແບບບໍ່ມີໃຜເຫັນ ດັ່ງໃນຮູບລຸ່ມນີ້

.

ຄວາມສາມາດພາງຕົວອັນດີເລີດນີ້ໄດ້ເຮັດໃຫ້ທີມນັກວິທະຍາສາດຈາກມະຫາວິທະຍາໄລໃນອາເມລິກາຕ້ອງໄດ້ສຶກສາແບບຈິງຈັງ, ​ເຊິ່ງພວກເຂົາພົບວ່າສິ່ງທີ່ເຮັດໃຫ້ກົບພວກນີ້ໂປ່ງໃສໄດ້ນັ້ນບໍ່ໄດ້ມີພຽງຜິວທີ່ໂປ່ງໃສ ແຕ່ພວກມັນຍັງສາມາດ ດູດເຊວເມັດເລືອດແດງເຂົ້າສູ່ຕັບເວລານອນໄດ້, ຫລຸດປະລິມານເສັ້ນເລືອດທົ່ວຕົນຕົວຂອງມັນດ້ວຍການເອົາໄປໄວ້ໃນອະໄວຍະວະບ່ອນດຽວໄດ້

.

ອາດຈະເປັນເລື່ອງທີ່ຟັງແລ້ວຊວນຂົນລຸກ ແຕ່ການສຶກສາກົບເຫລົ່ານີ້ອາດຈະມີປະໂຫຍດກວ່າທີ່ຄິດ

.

ເພາະຂະບວນການເຄື່ອນຍ້າຍເລືອດຂອງພວກມັນອາດຊ່ວຍໃຫ້ເຮົາສາມາດຄິດຢາໃໝ່ສໍາລັບຮັກສາພະຍາດຫົວໃຈ ຫລື ຄວາມຜິດປົກກະຕິຂອງການແຂງຕົວຂອງເລືອດໄດ້

.

ອ້າງອີງ

www.science.org/doi/10.1126/science.abl6620

http://www.nytimes.com/…/glass-frogs-blood-hide.html

http://www.iflscience.com/glass-frogs-hide-blood-in-their