ອາເມລິກາຍົກເລີກຖ້ຽວບິນ 1.500 ກວ່າຖ້ຽວ ຫລັງພາຍຸຫິມະຖະຫລົ່ມ

ສື່ລາຍງານວ່າ: ຖ້ຽວບິນໃນອາເມລິກາ 1.500 ກວ່າຖ້ຽວ ໄດ້ຖືກຍົກເລີກໃນວັນທີ 22 ທັນວາ, ຂະນະທີ່ອາເມລິກາຜະເຊີນພາຍຸລະດູໜາວຄັ້ງໃຫຍ່.

ການເກີດພາຍຸດັ່ງກ່າວສົ່ງຜົນໃຫ້ລັດເຄນທັກກີ, ມິສຊູຣີ, ໂອກລາໂຮມາ, ຈໍເຈຍ ແລະ ນອດ ແຄໂຣໄລນາ ປະກາດສະຖານະການສຸກເສີນ, ຂະນະທີ່ມີການຄາດຄະເນວ່າ: ອີກຫລາຍລັດຈະດຳເນີນການດັ່ງກ່າວເຊັ່ນກັນ.

ສ່ວນປະທານາທິບໍດີ ໂຈ ໄບເດນ ຜູ້ນຳອາເມລິກາ ອອກຖະແຫລງການເຕືອນຊາວອາເມລິກາໃຫ້ລະວັງພາຍຸຫິມະ, ຂະນະທີ່ປະຊາຊົນກຳລັງເດີນທາງກັບໄປຢ້ຽມຢາມຄອບຄົວກ່ອນໄລຍະເທດສະການຄຣິສມາສ.