ແຟນບານ ອາເຈນຕີ ເສຍຊີວິດ 1 ຄົນ ຫລັງເກີດອຸບັດຕິເຫດໃນງານສະຫລອງແຊ໊ມໂລກ

ສື່ລາຍງານວ່າ ແຟນບານ ອາເຈນຕີນາ ເສຍຊີວິດ 1 ຄົນ ຫລັງຕົກຈາກຫລັງຄາລະຫວ່າງງານສະຫລອງແຊ໊ມບານໂລກຂອງທີມຕົນເອງ.

ໂດຍແຟນບານ ອາເຈນຕີນາ ຈຳນວນກວ່າ 4 ລ້ານຄົນອອກມາຮ່ວມສະຫລອງໃນນະຄອນຫລອງບົວໂນສໄອເຣສ ເມື່ອວັນທີ 20 ທັນວາຜ່ານມາ ຫລັງ ອາເຈນຕີນາ ຄວ້າແຊ໊ມໂລກ 2022 ແລະ ເປັນແຊ໊ມສະໄຫມທີ 3 ຂອງພວກເຂົາ.

ແນວໃດກໍຕາມການແຫ່ແຊ໊ມສະຫລອງດັ່ງກ່າວນັ້ນຕ້ອງຖືກຍົກເລີກທັນທີ ເນື່ອງຈາກເຫດຜົນດ້ານຄວາມປອດໄພຂອງທັງນັກເຕະ ແລະ ແຟນບານເນື່ອງຈາກຄວາມບຽດສຽດ ແລະ ຄວາມວຸ້ນວາຍໃນບາງຈຸດຂອງເມືອງ.

ແຕ່ຫລ້າສຸດ ລາ ນາຊີໂອນ ສື່ທ້ອງຖິ່ນຂອງອາເຈນຕີນາ ເປີດເຜີຍວ່າ ມີແຟນບານຊາຍອາຍຸ 24 ປີຄົນຫນຶ່ງ ເກີດອຸບັດຕິເຫດ ຫລັງຂຶ້ນໄປຫລັງຄາເພື່ອ ເຕັ້ນສະຫລອງ ແຕ່ຫລັງຄາດັ່ງກ່າວຮັບນ້ຳຫນັກບໍ່ໄຫວໄດ້ຖະຫລ່ົມ ແລະ ເຮັດໃຫ້ລາວຕົກລົງມາຈົນໄດ້ຮັບບາດເຈັບສາຫັດ ເຖິງວ່າແຟນບານຄົນນີ້ຈະຖືກ ນຳຕົວສົ່ງໂຮງຫມໍທັນທີ ແຕ່ສຸດທ້າຍບໍ່ສາມາດຊ່ວຍຊີວິດເອົາໄວ້ໄດ້.

ນອກຈາກນັ້ນແລ້ວມີລາຍງານເພີ່ມວ່າ ເດັກອາຍຸ 5 ປີ ທີ່ຢູ່ໃນອາການໂຄມ່າ ຫລັງຈາກຫົວທີ່ບາດເຈັບສາຫັດຢ່າງຮຸນແຮງ ຫລັງຖືກຫິນອ່ອນຫລົ່ນມາກະ ທົບໃສ່ ແລະ ລາວຕ້ອງໄດ້ຮັບການເບິ່ງແຍງຈາກຫມໍຢ່າງໃກ້ຊິດ.