ເຄັດລັບຂອງການເພີ່ມຄຸນນະພາບການນອນທີ່ທຸກຄົນສາມາດເຮັດໄດ້ໃນທຸກມື້
ເຄີຍສັງເກດຕົວເອງບໍ່ວ່າ ແຕ່ລະມື້ທີ່ຕື່ນຂຶ້ນມາຮູ້ສຶກວ່າໄດ້ນອນຫລັບເຕັມອີ່ມ ຫລື ບໍ່, ຖ້າຮູ້ສຶກເມື່ອຍ, ສະໝອງຊ້າ ແລະ ຍັງຢາກນອນຢູ່ ນັ້ນສະແດງໃຫ້ເຫັນສັນຍານທີ່ບໍ່ດີ ເພາະມັນກໍາລັງບອກວ່າທ່ານກໍາລັງນອນຫລັບບໍ່ພຽງພໍ ເຊິ່ງສາເຫດມາຈາກການນອນຫລັບຍາກ ຖ້າປ່ອຍອາການນີ້ໄວ້ດົນໆອາດຈະເຮັດໃຫ້ບໍ່ສະບາຍໄດ້, ຮູຸ້ ຫລື ບໍ່ວ່າ ຮ່າງກາຍມະນຸດມີພະລັງບໍາບັດຕາມທໍາມະຊາດຢູ່ແລ້ວ, ນັກຂຽນໜັງສືແນວທາງຈິດຕະວິທະຍາໄດ້ບອກໄວ້ວ່າ ຊ່ວງເວລາກາງເວັນ ພະລັງບໍາບັດຕາມທໍາມະຊາດຈະເຮັດວຽກໃນລະດັບໜຶ່ງ ແຕ່ຈະເຮັດວຽກຫລາຍຂຶ້ນ ເມື່ອຢູ່ໃນຊ່ວງນອນຫລັບ, ດັ່ງນັ້ນໃຜທີ່ນອນບໍ່ຫລັບຈຶ່ງເປັນສັນຍານຂອງຮ່າງກາຍ ທີ່ຈະສົ່ງຜົນໃຫ້ພະລັງບໍາບັດທໍາມະຊາດເຮັດວຽກໄດ້ບໍ່ເຕັມທີ່ ເມື່ອທຽບກັນລະຫວ່າງຄົນທີ່ນອນບໍ່ຫລັບດົນກວ່າ 1 ປີ ກັບຄົນທີ່ນອນຫລັບພັກຜ່ອນຢ່າງພຽງພໍຕະຫລອດ 1 ປີ, ຈະມີອັດຕາເກີດພາວະຊຶມເສົ້າຕ່າງກັນເຖິງ 40 ເທົ່າ ແລະ ຍັງມີຄວາມສ່ຽງຕໍ່ພະຍາສະໝອງເສື່ອມ ຕ່າງກັນ 5 ເທົ່າອີກດ້ວຍ, ດັ່ງນັ້ນເຮົາຄວນເລີ່ມປັບຕົວ ແລະ ໃສ່ໃຈເວລານອນຫລາຍຂຶ້ນນັບແຕ່ມື້ນີ້, ເພື່ອຮັກສາສຸຂະພາບໃຫ້ດີໃນໄລຍະຍາວຕາມວິທີດັ່ງຕໍ່ໄປນີ້:
ເຄັດລັບຂອງການເພີ່ມຄຸນນະພາບການນອນທີ່ທຸກຄົນສາມາດເຮັດໄດ້ໃນທຸກມື້
- ອາບນໍ້າອຸ່ນ ຫລື ແຊ່ນໍ້າອຸ່ນໃຫ້ແລ້ວກ່ອນນອນ 2 ຊົ່ວໂມງ
2.ອອກກໍາລັງກາຍລະດັບປານກາງ 45-60 ນາທີ ອາທິດລະສອງເທື່ອ
- ປັບແສງໃນຫ້ອງນອນໃຫ້ມືດແຈບ ຈະຊ່ວຍໃຫ້ຄຸນນະພາບການນອນດີຂຶ້ນ
- ປັບອຸນຫະພູມຫ້ອງເພື່ອຊ່ວຍໃນການນອນຫລັບສະບາຍປະມານ 25-26 ອົງສາ
- Relax Routine ໃຊ້ເວລາຜ່ອນຄາຍ 2 ຊົ່ວໂມງກ່ອນນອນ
