ທ່ານນັ່ງດົນເກີນໄປ ຢູ່ແມ່ນບໍ່?
ການສຶກສາພົບວ່າ ຄົນທີ່ນັ່ງຢູ່ບ່ອນເກົ່າດົນໆ ອາດເຮັດໃຫ້ກ້າມຊີ້ນອ່ອນແຮງໄວຂຶ້ນ
ຈາກການສຶກສາພົບວ່າແຕ່ລະມື້ທີ່ເຮົາໃຊ້ເວລາຢູ່ໜ້າຄອມ ຫລື ນັ່ງຫລິ້ນໂທລະສັບເປັນເວລາດົນ ສາມາດຫລຸດອາຍຸໄຂຂອງເຮົາໄດ້ປະມານ 22 ນາທີ (ຄືກັບແນວຄິດການສູບຢາ 1 ກອກ ສາມາດເຮັດໃຫ້ອາຍຸເຮົາສັ້ນລົງໄດ້ 11 ນາທີ) ໂດຍສະເພາະຜູ້ທີ່ເລີ່ມມີອາຍຸຫລາຍຂຶ້ນ, ການນັ່ງບ່ອນເກົ່າດົນໆ ອາດສົ່ງຜົນຕໍ່ສຸຂະພາບໃນໄລຍະຍາວ
.
ການນັ່ງບ່ອນເກົ່າດົນໆ ຈະສົ່ງຜົນເສຍຕໍ່ສຸຂະພາບໃນຫລາຍດ້່ານ ໂດຍສະເພາະໃນຜູ້ສູງອາຍຸ ສາເຫດແມ່ນ ເມື່ອເຮົາມີອາຍຸຫລາຍຂຶ້ນ, ການບໍ່ອອກກໍາລັງກາຍຈະສົ່ງຜົນກະທົບຕໍ່ສຸຂະພາບຢ່າງຫລວງຫລາຍ ເພາະອາດຈະເຮັດໃຫ້ເກີດອາການກ້າມຊີ້ນອ່ອນແຮງ ໜຶ້່ງໃນສາເຫດທີ່ເຮັດໃຫ້ຜູ້ສູງໄວເກີດຄວາມຮູ້ສຶກໝົດອິດສະລະພາບ, ໂດດດ່ຽວ ແລະ ອາດຮຸນແຮງຈົນເຖິງຂັ້ນເສຍຊີວິດກ່ອນໄວອັນຄວນ, ເພາະຂາເປັນສ່ວນສໍາຄັນທີ່ເຮັດໃຫ້ເຮົາສາມາດໄປສະຖານທີ່ຕ່າງໆໄດ້ຕາມຕ້ອງການ ເພື່ອຢຽວຢາຈິດໃຈ
.
ເຊິ່ງການສຶກສາທີ່ຕີພິມໃນວາລະສານດ້ານສະລີລະວິທະຍາ The journey of Physiology ໄດ້ນໍາຜົນລັບຂອງອາສາສະໝັກອາຍຸຫລາຍທີ່ຕ້ອງນອນໂຮງໝໍເປັນເວລາ 2 ອາທິດ ມາປຽບທຽບ ພົບວ່າ ຜູ້ທີ່ມີອາຍຸຫລາຍທີ່ຢູ່ແຕ່ບ່ອນເກົ່າ ບໍ່ມີການໃຊ້ວຽກ, ກ້າມຊີ້ນສ່ວນທີຖືກຄວບຄຸມໂດຍເສັ້ນປະສາດມີການປ່ຽນແປງ ເພາະເກີດອາການກ້າມຊີ້ນອ່ອນແຮງ ແລະ ຜູ້ີທີ່ມີອາຍຸຫລາຍຍັງຟື້ນຕົວໄດ້ຍາກກວ່າຄົນປ່ວຍໄວລຸ້ນ, ນອກຈາກນັ້ນ ການຢູ່ບ່ອນເກົ່າດົນໆສັງສົ່ງຜົນກະທົບຕໍ່ລະບົບເຜົາຜານ ແລະ ຄວາມສາມາດໃນການເຄື່ອນໄຫວອີກດ້ວຍ. ອີກການສຶກສາໜຶ່ງທີ່ສຶກສາຜູ້ມີອາຍຸຫລາຍ ຈໍານວນ 24,000 ຄົນ ໃນເມືອງນໍຟອກ (Norfolk) ປະເທດອັງກິດ ກໍພົບວ່າຜູ້ທີ່ມີອາຍຸຫລາຍທີ່ມີການເຄື່ອນໄຫວຮ່າງກາຍມີໂອກາດເກີດພາວະຫົວໃຈວາຍ ຫລື ພະຍາດເສັ້ນເລືອດໃນສະໝອງຫລຸດລົງເຖິງ 14% ເມື່ອປຽບທຽບກັບຜູ້ທີ່ບໍ່ໄດ້ເຮັດກິດຈະກໍາ
.
ໃນນີ້ຜູ້ທີ່ມີອາຍຸຫລາຍຄວນຫລີກລ່ຽງການນັ່ງ ຫລື ນອນຢູ່ບ່ອນເກົ່າດົນໆ ແລະ ຫາກິດຈະກໍາທີ່ໄດ້ເຄື່ອນໄຫວຮ່າງກາຍ ເພື່ອກະຕຸ້ນການເຮັດວຽກຂອງກ້າມຊີ້ນເຊັ່ນ:
- ການມີສ່ວນຮ່ວມໃນການເຮັດກິດຈະກໍາກັບຄອບຄົວ
- ການຍ່າງຫລິ້ນ ຫລື ຍ່າງໄປສະຖານທີ່ຕ່າງໆ, ການຍ່າງຂຶ້ນ-ລົງຂັ້ນໄດ
- ການເຮັດສວນ, ປູກຕົ້ນໄມ້ ຫລື ເຮັດວຽກເຮືອນ
- ການອອກກໍາລັງກາຍເຊັ່ນ: ເຕັ້ນແອໂລບິກ, ຂີ່ລົດຖີບ, ລອງນໍ້າ…
- ການເຂົ້າສັງຄົມ, ພົບປະຄົນອື່ນ ເປັນຕົ້ນ.
ພໍອ່ານມາຮອດນີ້ແລ້ວລອງເບິ່ງຕົວເອງ ຫລື ຄົນຂ້າງໆ ວ່ານັ່ງບ່ອນເກົ່າ ຫລື ຢູ່ບ່ອນເກົ່າດົນໆບໍ່? ແລ້ວລງຊວນກັນອອກຈາກໜ້າຈໍແລ້ວໄປເຮັດກິດຈະກໍາ ຫລື ອອກກໍາລັງກາຍກັນດີບໍ່?
