ເຈດອນ ຊານໂຊ ຕົກຕຳ່ທັງຮ່າງກາຍ ແລະ ຈິດໃຈ ຍັງບໍ່ມີກຳນົດກັບຄືນສູ່ທີມແມນຢູ
ອີຣິກ ເທນ ຮາກ ເປີດເຜີຍວ່າ ຈາດອນ ຊານໂຊ ຕອນນີ້ມີບັນຫາທັງສະພາບຮ່າງກາຍ ແລະ ຈິດໃຈບໍ່ພ້ອມລົງສະໜາມໃຫ້ ແມນເຊສເຕີ ຢູໄນເຕັດ ແລະ ຍັງບໍ່ຮູ້ວ່າຈະກັບມາໄດ້ເມື່ອໄດ້.
ຊານໂຊ ບໍ່ມີຊື່ຮ່ວມເກັບຕົວຊ້ອມກັບແມນຢູ ເຊິ່ງເດືອນນີ້ມີຕາຕະລາງໄປເຂົ້າສູນເຝິກໄລຍະພັກກາງລະດູການທີ່ປະເທດສະເປນ ໂດຍນອກຈາກເລື່ອງສະ ພາບຮ່າງກາຍທີ່ບໍ່ສົມບູນແລ້ວ ສະພາບຈິດໃຈຍັງຕົກຕຳ່ເພາະຫລຸດຈາກທີມຊາດອັງກິດຊຸດລຸຍບານໂລກ 2022 ນຳອີກ.
ເທນ ຮາກ ກ່າວວ່າ : “ລາວບໍ່ພ້ອມທີ່ຈະມາຢູ່ກັບເຮົາຕອນນີ້ ມັນເປັນເລື່ອງຂອງສະພາບຮ່າງກາຍ ແລະ ຄວາມຮູ້ສຶກ ລາວບໍ່ຢູ່ໃນຈຸດທີ່ດີພໍ ທັງສະພາບຮ່າງ ກາຍ ແລະ ຈິດໃຈ ຕອນນີ້ລາວພວມຝຶກຝົນຟື້ນຟູຮ່າງກາຍ ເຊິ່ງຂ້ອຍຍັງບໍ່ສາມາດບອກໄດ້ວ່າລາວຈະກັບມາໄດ້ເມື່ອໃດ ”.
ກ່ອນໜ້ານີ້ ຊານໂຊ ຍັງພາດການລົງສະໜາມໃຫ້ ແມນຢູ ໃນໄລຍະ 4 ເກມສຸດທ້າຍ ກ່ອນພັກບານໂລກ ໂດຍລະດູການນີ້ດາວຍິງອາຍຸ 22 ປີ ລົງເຕະໃຫ້ ແມນຢູ ໄປແລ້ວ 14 ນັດລວມທຸກລາຍການ ຍິງໄດ້ 3 ປະຕູ.
ທັງນີ້ ແມນຢູ ຈະກັບມາແຂ່ງຂັນອີກຮອບໃນການແຂ່ງຂັນຄາຣາບາວ ຄັບ ພົບກັບ ເບີນລີ ວັນທີ 21 ທັນວາ ສ່ວນເກມພຣີເມຍລີກຈະເລີ່ມຈາກການພົບ ກັບ ນັອດຕິງແຮມ ຟໍເຣສ 27 ທັນວານີ້.
