ອັດຕາເງິນເຟີ້ ສະຫະລັດອາເມຣິກາ ໃນເດືອນພະຈິກ ເພີ່ມຂຶ້ນ 7.1% ຕ່ຳກວ່າທີ່ຄາດຄະເນໄວ້

ສຳນັກຂ່າວ The standard ລາຍງານໃຫ້ຮູ້ວ່າ: ວັນທີ 14 ທັນວາ 2022 ນີ້, ສຳນັກງານສະຖິຕິແຮງງານສະຫະລັດ ເປີດເຜີຍດັດຊະນີລາຄາຜູ້ບໍລິໂພກ (CPI) ເດືອນພະຈິກເພີ່ມຂຶ້ນ 7.1% ໜ້ອຍກວ່າທີ່ນັກເສດຖະສາດຄາດຄະເນໄວ້ ຖືວ່າເປັນສັນຍານທີ່ຊີ້ບອກວ່າ ອັດຕາເງິນເຟີ້ໃນສະຫະລັດ ເລີ່ມຫລຸດລົງແລ້ວ.

ໂດຍດັດຊະນີ CPI ເດືອນທີ່ຜ່ານມາ ເພີ່ມຂຶ້ນພຽງ 0.1% ແລະ ຕ່ຳກວ່າຄວາມຄິດເຫັນຂອງນັກເສດຖະສາດສຳຫລວດໂດຍ ທ່ານ ໂດ ຈອນ ເຊິ່ງປະເມີນວ່າຈະເພີ່ມຂຶ້ນ 0.3% ຈາກເດືອນກ່ອນໜ້ານີ້ ແລະ ເພີ່ມຂຶ້ນ 7.3% ໃນຮອບ 12 ເດືອນ

ສ່ວນດັດຊະນີ CPI ພື້ນຖານເຊິ່ງບໍ່ລວມລາຄາອາຫານ ແລະ ພະລັງງານທີ່ຜັນຜວນເພີ່ມຂຶ້ນ 0.2% ຈາກເດືອນກ່ອນ ແລະ 6% ໃນຮອບ 12 ເດືອນ.