ໂຣນັລໂດ ຕຳນານນັກເຕະບຣາຊິລຍິນດີນຳ ຫາກ ເມສຊີ ຄວ້າແຊ໊ມໂລກ

ໂຣນັລໂດ ອະດີດຕຳນານກອງໜ້າທີມຊາດບຣາຊິລ ລະບຸພ້ອມຍິນດີຫາກ ລີໂອເນລ ເມສຊີ ຫົວໜ້າທີມຊາດອາເຈນຕີນາ ຈະຄວ້າແຊ໊ມບານໂລກໄປຄອງ ເຖິງວ່າຜົນງານໂດຍລວມຂອງທີມ ຟ້າ-ຂາວ ຈະບໍ່ປະທັບໃຈ.

ສຳລັບ ອາເຈນຕີນາ ສ້າງຜົນງານໄດ້ໜ້າພໍໃຈໃນບານໂລກ 2022 ຫລັງທະລຸເຂົ້າສູ່ຮອບຮອງຊະນະເລີດໄປພົບກັບ ໂຄຣເອເຊຍ ວັນທີ 13 ທັນວານີ້.

ຫລ້າສຸດ ໂຣນັລໂດ ຕຳນານນັກເຕະທີມຊາດບຣາຊິລ ເຊິ່ງເຄີຍຄວ້າແຊ໊ມໂລກ 2 ສະໄຫມໃນປີ 1994 ແລະ 2002 ລະບຸວ່າ ລາວມີຄວາມສຸກຫາກ ເມສຊີ ຈະຄວ້າແຊ໊ມໂລກສະໄໝນີ້ໄປຄອງ ເຖິງວ່າຜົນງານການຫລິ້ນຂອງທີມຄູ່ປັບຮ່ວມທະວີບ ຍັງບໍ່ດີພໍກໍຕາມ.

“  ຂ້ອຍຄົງມີຄວາມສຸກຫລ້າຍ ຖ້າ ເມສຊີ ໄດ້ແຊ໊ມໂລກ ຂ້ອຍຈະບໍ່ມີຄວາມສຸກໃນຖານະຊາວບຣາຊິລ ແຕ່ເປັນສິ່ງທີ່ເຮົາທຸກຄົນສົມຄວນຍອມຮັບມັນ ບານໂລກຄືການຫລິ້ນເພື່ອຄວ້າໄຊຊະນະ ບໍ່ມີໃຜມອບສິ່ງນີ້ໃຫ້ເຈົ້າໄດ້ ບໍ່ແມ່ນເພື່ອເລື່ອງຂອງລາວ ບໍ່ແມ່ນເພື່ອຫຍັງ ແຕ່ແນ່ນອນວ່າລາວມີໂອກາດແລ້ວ ”.

“  ອາເຈນຕີນາ ບໍ່ໄດ້ຫລິ້ນບານທີ່ດີເລີຍ ແຕພວກເຂົາມີຄວາມຫິວຢ່າງເຫລືອເຊື່ອ ພວກເຂົາແລ່ນບໍ່ຢຸດເພື່ອກັນ ແລະ ກັນ ພວກເຂົາທັງຫມົດມີຄວາມ ຫ້າວ ແລະ ທີ່ສຸດແລ້ວພວກເຂົາມີ ເມສຊີ ເຊິ່ງອັນຕະລາຍຫລາຍໃນເຂດໂທດ ໂດຍສ່ວນຕົວຂ້ອຍຈະມີຄວາມສຸກຫາກລາວໄດ້ແຊ໊ມ ”.

ສຳລັບ ເມສຊີ ຍັງບໍ່ເຄີຍພາ ອາເຈນຕີນາ ຄວ້າແຊ໊ມບານໂລກມາຄອງໄດ້ເລີຍ ໂດຍທີ່ໃກ້ຄຽງທີ່ສຸດຄືການຄວ້າຮອງແຊ໊ມໃນປີ 2014.