ກອງໜ້າ ໂມຣ໊ອກໂກ ໂດດສູງທຳລາຍສະຖິຕິເກົ່າ ໂຣນັລໂດ

ຢຸສເຊຟ ເອັນ ເນຊີຣີ ກອງໜ້າທີມຊາດໂມຣ໊ອກໂກ ທຳລາຍສະຖິຕິພະລັງໂດດສູງຂອງ ຄຣິສຕຽນໂນ ໂຣນັລໂດ ຈາກການໂດດຂຶ້ນຫົວຕຳເປັນປະຕູໄຊໃຫ້ ໂມຣ໊ອກໂກ ເອົາຊະນະ ໂປຣຕຸເກສ ໃນຮອບ 8 ທີມສຸດທ້າຍ ບານໂລກ 2022.

ໂຣນັລໂດ ສະໄຫມຫລິ້ນໃຫ້ກັບ ຢູເວນຕູສ ໃນປີ 2018 ເຄີຍເຮັດໃຫ້ໂລກຕະລຶງກັບການໂດດພັງປະຕູຊະນະ ຊາມໂດເຣຍ ໂດຍທີ່ ໂຣນັລໂດ ໂດດສູງເຖິງ 2,4 ແມັດ ແຕ່ຫລ້າສຸດ Bein Sport ໄດ້ວັດໄລຍະການໂດດຂອງກອງໜ້າຈາກເຊບີຢາ ທີ່ໂດຕັດໜ້າຜູ້ຮັກສາປະຕູໂປຣຕຸເກສ ຫົວຕຳເຂົ້າໄປນັ້ນ ປະກົດວ່າລວມໄລຍະຈາກພື້ນເຖິງຈຸດສູງສຸດຢູ່ທີ່ 2,78 ແມັດ ເໜືອກວ່າ ໂຣນັລໂດ 28 ຊັງຕີແມັດ.

ແນວໃດກໍຕາມສະຖິຕິຂອງ ເອັນ-ເນຊີຣີ ຍັງໜ້ອຍກວ່າການທີ່ ໂຣນັລໂດ ສະໄຫມຫລິ້ນໃຫ້ກັບ ຣຽວ ມາດຣິດ ທີ່ໂດດຫົວຕຳປະຕູໃສ່ແມນຢູ ໃນການແຂ່ງຂັນຢູຟາ ແຊ໊ມປຽນ ລີກ ລະດູການ 2012/2013 ເຊິ່ງຄັ້ງນັ້ນເຮັດໄດ້ 2,93 ແມັດ.

ສຳລັບ ເອັນ ເນຊີຣີ ອາຍຸ 25 ປີ ເຮັດໄປແລ້ວ 2 ປະຕູໃນບານໂລກ 2022 ພາ ໂມຣ໊ອກໂກ ເປັນຊາດທຳອິດໃນທະວີບແອຟຣິກາ ທີ່ຜ່ານເຂົ້າຮອບເຖິງ ຮອບຮອງຊະນະເລີດບານໂລກ ໄດ້ສຳເລັດ.

ຂະນະທີ່ ຢັສຊິນ ໂບໂນ ຜູ້ຮັກສາປະຕູ ໂມຣ໊ອກໂກ ເຊິ່ງໂຊຟອມໜຽວຈົນທີມເສຍໄປພຽງ 1 ປະຕູໃນບານໂລກ ພວມໄດ້ຮັບຄວາມສົນໃຈຈາກທີມຍັກ ບໍ່ວ່າຈະເປັນ ຣຽວ ມາດຣິດ ຫລື ແມນເຊສເຕີ ຢູໄນເຕັດ.