ເດືອນຕຸລາ 2022 ສປປ ລາວ ມີມູນຄ່າການຄ້າ ປະມານ 1.074 ລ້ານໂດລາສະຫະລັດ ຂາດດຸນການຄ້າ ປະມານ 230 ລ້ານໂດລາ

ສູນຂໍ້ມູນຂ່າວສານການຄ້າລາຍງານໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 10 ປີ 2022 ບັນລຸໄດ້ ປະມານ 1.074 ລ້ານໂດລາສະຫະລັດ. ມູນຄ່າການສົ່ງອອກ ມີປະມານ 422 ລ້ານໂດລາສະຫະລັດ, ມູນຄ່າການນໍາເຂົ້າ 652 ລ້ານໂດລາສະຫະລັດ ແລະ ຂາດດຸນການຄ້າ ປະມານ 230 ລ້ານໂດລາສະຫາລັດ.

ປະເພດສິນຄ້າສົ່ງອອກຕົ້ນຕໍ ຂອງ ສປປ ລາວ

ສິນຄ້າສົ່ງອອກທັງໝົດ ສະເລ່ຍ 422 ລ້ານໂດລາສະຫະລັດ. ໃນນີ້, ສິນຄ້າສົ່ງອອກ 10 ອັນດັບ ທີ່ມີມູນຄ່າສູງ ໄດ້ແກ່: ຄຳປະສົມ ແລະ ຄຳແທ່ງ 45 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 41 ລ້ານໂດລາສະຫະລັດ, ຢາງພາລາ 36 ລ້ານໂດລາສະຫະລັດ, ເກືອກາລີ 31 ລ້ານໂດລາສະຫະລັດ, ແຮ່ທອງ 30 ລ້ານໂດລາສະຫະລັດ, ນ້ຳຕານ 18 ລ້ານໂດລາສະຫະລັດ, ເຄື່ອງນຸ່ງຫົ່ມ 17 ລ້ານໂດລາສະຫະລັດ, ແຮ່ເຫຼັກ 15 ລ້ານໂດລາສະຫະລັດ, ໝາກກ້ວຍ 14 ລ້ານໂດລາສະຫະລັດ ແລະ ເກີບ 13 ລ້ານໂດລາສະຫະລັດ.

ປະເພດສິນຄ້ານໍາເຂົ້າຕົ້ນຕໍ ຂອງ ສປປ ລາວ

ສິນຄ້ານຳເຂົ້າທັງໝົດ ສະເລ່ຍ 652 ລ້ານໂດລາສະຫະລັດ. ໃນນີ້, ສິນຄ້ານຳເຂົ້າ 10 ອັນດັບ ທີ່ມີມູນຄ່າສູງ ໄດ້ແກ່: ນ້ຳມັນກາຊວນ 104 ລ້ານໂດລາສະຫະລັດ, ແກ້ວປະເສີດ ຫຼື ເຄິ່ງປະເສີດ 75 ລ້ານໂດລາສະຫະລັດ, ອຸປະກອນກົນຈັກ 43 ລ້ານໂດລາສະຫະລັດ, ພາຫະນະທາງບົກ 34 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 29 ລ້ານໂດລາສະຫະລັດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ ຫຼື ເຫຼັກກ້າ 25 ລ້ານໂດລາສະຫະລັດ, ເຄື່ອງດື່ມ 25 ລ້ານໂດລາສະຫະລັດ, ນ້ຳມັນແອັດຊັງ 25 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 22 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ 19 ລ້ານໂດລາສະຫະລັດ.

5 ປະເທດ ສົ່ງອອກຕົ້ນຕໍ ຂອງ ສປປ ລາວ

ປະເທດສົ່ງອອກ 05 ອັນດັບ ໄດ້ແກ່: ຈີນ 177 ລ້ານໂດລາສະຫະລັດ, ຫວຽດນາມ 97 ລ້ານໂດລາສະຫະລັດ, ໄທ 45 ລ້ານໂດລາສະຫະລັດ, ອົດສະຕາລີ 22 ລ້ານໂດລາສະຫະລັດ ແລະ ອິນເດຍ 14 ລ້ານໂດລາສະຫະລັດ.

5 ປະເທດ ນໍາເຂົ້າຕົ້ນຕໍ ຂອງ ສປປ ລາວ

ປະເທດນຳເຂົ້າ 05 ອັນດັບ ໄດ້ແກ່: ໄທ 308 ລ້ານໂດລາສະຫະລັດ, ຈີນ 150 ລ້ານໂດລາສະຫະລັດ, ສະວິດເຊີແລນ 75 ລ້ານໂດລາສະຫະລັດ, ຫວຽດນາມ 32 ລ້ານໂດລາສະຫະລັດ ແລະ ສະຫະລັດອາເມລິກາ 21 ລ້ານໂດລາສະຫະລັດ.

ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 10 ປີ 2022 ແມ່ນຍັງບໍ່ກວມເອົາມູນຄ່າການນຳເຂົ້າ ແລະ ສົ່ງອອກໄຟຟ້າ (ສໍາລັບມູນຄ່າການນຳເຂົ້າ ແລະ ສົ່ງອອກໄຟຟ້າ ພວກເຮົາຈະເອົາລົງພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ).