ເນມາ ອາດອຳລາທີມຊາດບຣາຊິລ ຫລັງຕົກຮອບບານໂລກ 2022
ເນມາ ດາວຍິງຫມາຍເລກ 1 ຂອງ ບຣາຊິລ ອາດອຳລາທີມຊາດ ຫລັງພາດທ່າເສຍໃຫ້ ໂຄຣເອເຊຍ ຕົກຮອບບານໂລກ 2022.
ຄວັນຫລົງການແຂ່ງຂັນບານເຕະໂລກ 2022 ຮອບ 8 ທີມສຸດທ້າຍທີ່ປະເທດກາຕ້າ ເຊິ່ງບຣາຊິລເສຍການຍິງລູກໂທດໃຫ້ກັບ ໂຄຣເອເຊຍ ຕົກຮອບ 8 ທີມສຸດທ້າຍ ເປັນສະໄຫມທີ 2 ຕິດຕໍ່ກັນແລ້ວໃນເວລານີ້.
ຫລ້າສຸດ ເນມາ ດາວຍິງຫມາຍເລກຫນຶ່ງຂອງບຣາຊິລ ຈາກສະໂມສອນ ປາຣີສ ແຊັງແຊັກແມັງ ອອກມາຍອມຮັບວ່າ ລາວຍັງບໍ່ແນ່ໃຈໃນເລື່ອງອະນາຄົດ ຂອງຕົນເອງກັບທີມຊາດບຣາຊິລ ແລະ ຢາກຂໍເວລາທົບທວນເລື່ອງນີ້ອີກຈັກຫນ້ອຍ ວ່າອັນໃດຄືສິ່ງທີ່ດີທີ່ສຸດສຳລັບທຸກຝ່າຍ.
ເນມາ ກອງໜ້າຄົນດັງອາຍຸ 30 ປີ ເປີດເຜີຍວ່າ : “ ຂ້ອຍຕາມຕົງ ຂ້ອຍບໍ່ຮູ້ອະນາຄົດຄືກັນ ຂ້ອຍຄິດວ່າການເວົ້າຕອນນີ້ມັນບໍ່ດີ ເພາະບັນຍາກາດ ຕອນນີ້ມັນບໍ່ດີເທົ່າໃດ ບາງເທື່ອມັນອາດຈະເບິ່ງຮີບຮ້ອນໄປ ຖ້າບອກວ່ານີ້ຄືຈຸດຈົບ ແຕ່ຂ້ອຍກໍບໍ່ຮັບປະກັນອັນໃດຄືກັນ ມາເບິ່ງກັນວ່າຈະເກີດ ຫຍັງຂຶ້ນຕໍ່ໄປ ”.
“ ຂ້ອຍຢາກໃຫ້ເວລານີ້ຄິດກ່ຽວກັບມັນ ຄິດກ່ຽວກັບສິ່ງທີ່ຂ້ອຍຕ້ອງການສຳລັບຕົນເອງ ຂ້ອຍຈະບໍ່ປິດປະຕູການຫລິ້ນກັບບຣາຊິລ ແຕ່ຂ້ອຍຈະບໍ່ຮັບປະກັນ 100% ວ່າຂ້ອຍຈະກັບມາ ຂ້ອຍຕ້ອງຄິດຫລາຍກວ່ານີ້ຈັກຫນ້ອຍ ວ່າແມ່ນຫຍັງຄືສິ່ງທີ່ຖືກຕ້ອງສຳລັບຕົວຂ້ອຍ ແລະ ທີມຊາດ ”.
