ແຟນບານ ໂປຣຕຸເກສ ເກີນ 90% ຢາກເຫັນ ໂຣນັລໂດ ນັ່ງສຳຮອງໃນບານໂລກ 2022
ຄວາມເຄື່ອນໄຫວກ່ອນການແຂ່ງຂັນບານໂລກ 2022 ຮອບ 8 ທີມສຸດທ້າຍ ເຊິ່ງທີມຊາດໂປຣຕຸເກສ ມີຄິວລົງສະໜາມພົບກັບທີມຊາດໂມຣ໊ອກໂກ ທີ່ສະໜາມ ອັລທູມາມາ ໃນນະຄອນຫລວງໂດຮາ ປະເທດກາຕ້າ ໃນວັນເສົາທີ 10 ທັນວານີ້ ແຂ່ງຂັນ 22:00 ນາທີ ຕາມເວລາບ້ານເຮົາ.
ກ່ອນໜ້ານີ້ A BOLA ສື່ຊື່ດັງໃນໂປຣຕຸເກສ ໄດ້ເຮັດການສຳຫລວດວ່າ : “ ແຟນບານໂປຣຕຸເກສ ຢາກເຫັນ ຄຣິສຕຽນໂນ ໂຣນັລໂດ ລົງຫລິ້ນໃນ ເກມທີ່ທີມລົງສະໜາມພົບກັບ ສະວິດເຊີແລນ ໃນຮອບ 16 ທີມສຸດທ້າຍ ຫລື ບໍ່ ” ເຊິ່ງຜົນການລົງຄະແນນອອກມາວ່າ ແຟນບານ 70% ຢາກໃຫ້ ໂຣນັລໂດ ເປັນຕົວສຳຮອງ ຕໍ່ມາ ເຟີນານໂດ ຊານໂຕສ ຜູ້ຈັດການທີມກໍພັກ ໂຣນັລໂດ ໄວ້ແທ້ໆ ກ່ອນຈະພາທີມເອົາຊະນະຄູ່ແຂ່ງໄປແບບຖະຫລ່ົມທະລາຍ 6-1 ປະຕູ ແລະ ດາວຮຸ່ງທີ່ສົ່ງລົງມາແທນ ໂຣນັລໂດ ຄື ກອນຊາໂລ ຣາມອສ ກໍຍັງສະແດງຜົນງານໄດ້ຢ່າງສຸດຍອດດ້ວຍ ການລະເບີດແຮັດທຣິກໃນເກມ ດັ່ງກ່າວນຳອີກ.
ຫລ້າສຸດ ອາ ໂບລາ ໄດ້ຕັດສິນໃຈສ້າງການສຳຫລວດອີກເທື່ອຫນຶ່ງໃນຫົວຂໍ້ : “ ແຟນບານຢາກເຫັນ ໂຣນັລໂດ ລົງຫລິ້ນໃນເກມທີ່ໂປຣຕຸເກສ ຈະພົບກັບ ໂມຣ໊ອກໂກ ຫລື ບໍ່ ” ໂດຍຜົນສຳຫລວດພົບວ່າ ແຟນບານກວ່າ 93,6% ບໍ່ຢາກໃຫ້ ໂຣນັລໂດ ລົງສະໜາມເປັນ 11 ຕົວຈິງ ຂະນະທີ່ 6,4% ເຫັນວ່າຄວນໃຫ້ ຈະໄດ້ລົງສະໜາມ ເຊິ່ງຖືວ່າຄົນທີ່ຢາກໃຫ້ຢຸດດາວຍິງອາຍຸ 37 ປີນັ້ນ ມີຫລາຍກວ່າເກ່ົາ 23,6% ເພາະໜ້າຈະເບິ່ງວ່າທີມມີເກມບຸກທີ່ດຸດັນກວ່າເມື່ອບໍ່ມີ ໂຣນັລໂດ.
