ເຖິງຈະຕົກຮອບບານໂລກແຕ່ຜົນງານເຂົ້າຕາ, ຊອນ ເຮືອງ ມິນ ມີໂອກາດຍ້າຍໄປທີມໃຫຍ່
ຊອນ ເຮືອງ ມິນ ກອງໜ້າຂອງ ທັອດແນມ ຮັອດສະເປີ ຕົກເປັນຂ່າວວ່າ ມີໂອກາດຍ້າຍທີມໄປທີມໃຫຍ່ ເຖິງລາວຈະພາທີມຊາດ ສ.ເກົາຫລີ ຕົກຮອບ 16 ທີມສຸດທ້າຍບານໂລກ 2022 ກໍຕາມ.
Evening Standard ສື່ຊື່ດັງຂອງອັງກິດລະບຸວ່າ ຣຽວ ມາດຣິດ ສະໂມສອນໃຫຍ່ແຫ່ງ ລາ ລີກກາ ສະເປນ ສົນໃຈທີ່ຈະເຊັນສັນຍາຄວ້າ ຊອນ ເຮືອງ ມິນ ກອງໜ້າທີມຊາດ ສ.ເກົາຫລີ ຂອງສະໂມສອນ ທັອດແນມ ຮັອດສະເປີ ມາສູ່ຖິ່ນຊານຕີອາໂກ ເບນາເບວ.
ດາວເຕະອາຍຸ 30 ປີ ຍິງໄປແລ້ວ 24 ປະຕູ ກັບອີກ 10 ແອສຊິສ ຈາກການລົງຫລິ້ນ 45 ນັດ ລວມທຸກລາຍການຊ່ວຍ ສ.ເກົາຫລີ ຜ່ານເຂົ້າເຖິງຮອບ 16 ທີມສຸດທ້າຍ ບານໂລກ 2022 ກ່ອນຈະຕົກຮອບດ້ວຍນ້ຳມືຂອງທີມຊາດບຣາຊິລ ແນວໃດກໍຕາມຜົນງານການຫລິ້ນສ່ວນຕົວຂອງ ຊອນ ເຮືອງ ມິນ ກໍຍັງໄປເຂົ້າຕາ ຣຽວ ມາດຣິດ ແລະ ທາງ ຣາຊັນຊຸດຂາວ ກໍເບິ່ງວ່າ ຊອນ ເຮືອງ ມິນ ຄືຕົວເລືອກທີ່ມີສັກກະຍາພາບໃນການເສີມຄວາມ ແຂງແກ່ນ ໃຫ້ກັບກອງໜ້າຂອງພວກເຂົາ.
ທັງນີ້ ຄົງເປັນເລື່ອງຍາກທີ່ ສະເປີ ຈະປ່ອຍໜຶ່ງໃນນັກເຕະທີ່ດີທີ່ສຸດຂອງພວກເຂົາອອກຈາກທີມໃນໄວໆນີ້ ແຕ່ຖ້າຫາກມີຂໍ້ສະເໜີທີ່ແພງຍື່ເຂົ້າມາ ມັນກໍມີຄວາມເປັນໄປໄດ້ທີີ່ທາງ ສະເປີ ຈະພິຈາລະນາກ່າວເຖິງກ່ຽວກັບເລື່ອງການຊື້ຂາຍ.
