ບາແກດຝຣັ່ງ (baguette) ກາຍເປັນມໍລະດົກທາງວັດທະນະທໍາທີ່ຈັບຕ້ອງບໍ່ໄດ້ຂອງ UNESCO
ອາຫານປະຈໍາຊາດຂອງແຕ່ລະປະເທດລ້ວນແລ້ວແຕ່ມີເອກະລັກທີ່ແຕກຕ່າງກັນ ເມື່ອເວົ້າເຖິງຝຣັ່ງກໍຄົງຈະເປັນ ເຂົ້າຈີ່ບາແກດ(baguette) ອາຫານຍອດນິຍົມຂອງຄົນຝຣັ່ງ, ຫລ້າສຸດ UNESCO ໄດ້ຍົກໃຫ້ເປັນມໍລະດົກທາງວັດທະນະທໍາທີ່ຈັບຕ້ອງບໍ່ໄດ້
.
UNESCO ທີ່ເປັນໜ່ວຍງານດ້ານວັດທະນະທໍາຂອງ UN ໃຫ້ນິຍາມມໍລະດົກທາງວັດທະນະທໍາທີ່ຈັບຕ້ອງບໍ່ໄດ້ວ່າ “ເປັນປະເພນີ ຫລື ການສະແດງອອກເຖິງການດໍາລົງຊີວິດທີ່ສືບເນື່ອງມາຈາກບັນພະບູລຸດ ທີ່ຖືກສົ່ງຕໍ່ໃຫ້ລູກຫລານ”
.
ແນ່ນອນວ່າບາແກດສາມາດກິນໄດ້ທັນທີ ຫລື ນໍາໄປປະສົມປະສານກັບອາຫານ ແລະ ວັດທະນະທໍາການເຮັດອາຫານອື່ນໆ. ໃນລາຍງານບາງສະບັບບອກວ່າ ບາແກດຖືກເຮັດຂຶ້ນຄັ້ງທໍາອິດໃນປີ 1893 ຈາກຄົນເຮັດເຂົ້າຈີ່ທີ່ເກີດໃນວຽນນາ ຊື່ August Zang ເຖິງແມ່ນວ່າຄົນອື່ນຈະເບິ່ງວ່າກະສັດນະໂປລຽນເປັນຜູ້ສັ່ງເຮັດເພື່ອໃຫ້ທະຫານ ແຕ່ກໍຖືວ່າມີຄວາມສໍາຄັນທາງວັດທະນະທໍາຕໍ່ຝຣັ່ງ ແລະ ສ່ວນອື່ນໆຂອງໂລກ
.
Audrey Asoulay ຫົວໜ້າ UNESCO ບອກວ່າຖືເປັນການສະເຫລີມສະຫລອງວິຖີຊີວິດຂອງຄົນຝຣັ່ງ, ການກິນບາແກດເປັນສ່ວນໜຶ່ງໃນຊີວິດປະຈໍາວັນຂອງຫລາຍຄົນ, ມີຄວາມໝາຍຄືກັບການແບ່ງປັນຄວາມມ່ວນຊື່ນ ແລະ ສິ່ງສໍາຄັນແມ່ນສິ່ງເຫລົ່ານີ້ຍັງຈະມີຕໍ່ໄປໃນອະນາຄົດ
.
