ເຈົ້າໜ້າທີ່ດ່ານສາກົນມຸກດາຫານປະເທດໄທ ຢຶດ ແລະ ທຳລາຍ ສົ້ມໝູ 273 ຫໍ່ທີ່ນຳເຂົ້າຈາກລາວ

ວັນທີ 4 ທັນວາ 2022 ເຈົ້າໜ້າທີ່ ກົມປະສຸສັດ ປະຈຳດ່ານສາກົນມຸກດາຫານ ປະເທດໄທ ກວດຢຶດສົ້ມໝູທີ່ນຳເຂົ້າຈາກລາວ ໄດ້ 273 ຫໍ່ ເຂົ້າປະເທດໄທ ຜ່ານທາງດ່ານຂົວມິດຕະພາບລາວ-ໄທ ແຫ່ງທີ 2 (ມຸກດາຫານ-ສະຫວັນນະເຂດ).

ເຈົ້າໜ້າທີ່ສອບຖາມກໍບໍ່ມີຄົນສະແດງໂຕວ່າເປັນເຈົ້າຂອງ ຈຶ່ງນຳເອົາໄປທຳລາຍ ໂດຍການຝັງ ແລະ ພົ່ນຢາຂ້າເຊື້ອພະຍາດ.

ທັງນີ້ກໍເນື່ອງຈາກທາງການໄທມີຄວາມເຂັ້ມງວດ ເລື່ອງການນຳຊີ້ນໝູ ແລະ ຊີ້ນງົວ ເພື່ອປ້ອງກັນການລະບາດຂອງພະຍາດອະຫິວາອາຟຣິກາທີ່ມານຳຊີ້ນໝູ.