ປີ 2022 ແຂວງຫຼວງພະບາງ ກວດພົບການລັກລອບປູກຝີ່ນຄືນໃໝ່ລວມ 27 ບ້ານ ເນື້ອທີ່ 198,14 ເຮັກຕາ
ກອງປະຊຸມສະຫຼຸບ ວຽກງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປີ 2021-2022 ທົ່ວແຂວງຫຼວງພະບາງ ໄດ້ຈັດຂຶ້ນໃນທ້າຍເດືອນພະຈິກ 2022 ນີ້ ທີກອງປະຊຸມ ສະຫຼຸບ ວຽກງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປີ 2021-2022 ທົ່ວແຂວງຫຼວງພະບາງ ໄດ້ຈັດຂຶ້ນໃນທ້າຍເດືອນພະຈິກ 2022 ນີ້ ໄດ້ລາຍງານສະຫຼຸບ ການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນ ຫາຢາເສບຕິດ ແຕ່ເດືອນ ກັນຍາປີ 2021 ຫາ ເດືອນຕຸລາປີ 2022 ແລະທິດທາງແຜນການ 6 ເດືອນ ຕົ້ນປີ 2023, ຜ່ານການຈັດຕັ້ງປະຕິບັດ ໜ້າທີ່ຂອງກໍາລັງວິຊາສະເພາະ
- ສາມາດມ້າງກຸ່ມແກ້ງເຄື່ອຄ່າຍຄ້າຂາຍຢາເສບຕິດລາຍໃຫຍ່, ລາຍກາງ ແລະ ລາຍຍ່ອຍໄດ້ ທັງໝົດ 248 ເລື່ອງ.
- ກັກຕົວຜູ້ຖືກຫາ 386 ຄົນ, ຍິງ 40 ຄົນ, ໃນນີ້ ມີຄົນຕ່າງປະເທດ 7 ຄົນ,
- ຢຶດຢາບ້າ 4.070.131 ເມັດ ຫຼື 407.013,1 ກຣາມ, ຢາບ້າເມັດສີຂຽວ 900 ກຣາມ,
- ເຮໂລອິນ 458,9 ກຣາມ,
- ຝຸ່ນສີຂາວຄ້າຍຄືເຮໂຣອີນ 385,4 ກິໂລກຣາມ,
- ຢາໄອສ໌ 1.384,1 ກຣາມ,
- ສິ່ງຄ້າຍຄືຢາ ໄອສ໌ 263,3 ກິໂລກຣາມ,
- ນໍ້າຕົ້ມໃບກະທ່ອມ 13 ຂວດ,
- ສິ່ງຄ້າຍຄືໂຄເຄນ 1.822,6 ກິໂລກຣາມ,
- ຢາອີ ເມັດສີຂຽວ, ເມັດສີສົ້ນ ແລະ ເມັດສີຟ້າ 85,7 ກຣາມ,
- ຢາຝິ່ນ 3.651,4 ກຣາມ,
- ຝຸ່ນສີເທົາຄ້າຍຄື ມອກຝິ່ນ 207 ກຣາມ,
- ຝຸ່ນສີສົ້ນ 200 ກຣາມ,
- ຝຸ່ນຢາບ້າສີແດງ 142,5 ກຣາມ,
- ຝຸ່ນສີໃບຕອງອ່ອນ 114,3 ກຣາມ;
- ລົດໃຫຍ່ 18 ຄັນ, ລົດຈັກ 72 ຄັນ; ໂທລະສັບມືຖື 300 ໜ່ວຍ;
- ປືນກັກບີນ 2 ກະບອກ ພ້ອມແມັກ 02 ເມັກ ແລະ ລູກກະສູນ 40 ລູກ, ປືນເບີ 01 ກະບອກພ້ອມລູກກະສູນ 07 ລູກ, ປືນສັ້ນ 04 ກະບອກ, ລະເບີດ 01 ໜ່ວຍ
- ອາຍັດເຮືອນ 3 ຫຼັງ, ທີ່ດິນ 6 ຕອນ, ໄດ້ສຶກສາອົບຮົມປ່ອຍຕົວພາກສ່ວນເສບຢາເສບຕິດ ແລ້ວມອບໃຫ້ຜູ້ປົກຄອງ ແລະອົງການປົກຄອງບ້ານທີ່ກ່ຽວຂ້ອງ ສືບຕໍ່ສຶກສາອົບຮົມ 5 ລາຍ, ຜູ້ຖືກຫາ 12 ຄົນ, ໄດ້ເກັບກຳ ແລະຂື້ນບັນຊີເປົ້າໝາຍຜູ້ເສບຢາເສບຕິດ ໃນທົ່ວແຂວງ 10.584 ຄົນ, ຍິງ 296 ຄົນ;
- ໃນນັ້ນ ມີຜູ້ເສບຢາບ້າ 10.160 ຄົນ, ຍິງ 212 ຄົນ, ຜູ້ເສບຝິ່ນ 424 ຄົນ, ຍິງ 84 ຄົນ ແລະ ໄດ້ທໍາລາຍສວນຝິ່ນທັງໝົດ 137,89 ເຮັກຕາ,
ນອນນີ້, ເຈົ້າໜ້າທີ່ ປກສ ແຂວງຍັງໄດ້ປະສານສົມກັບອົງການປົກຄອງເມືອງ, ກໍາລັງ ປກຊ-ປກສ ຂັ້ນເມືອງ, ອົງການປົກຄອງບ້ານ ສຳຫຼວດພື້ນທີ່ລັກລອບປູກຝິ່ນຄືນໃໝ່ ພົບເຫັນພື້ນທີ່ລັກລອບປູກຝິ່ນຢູ່ເມືອງໂພນທອງ ແລະເມືອງນໍ້າບາກ ກວມເອົາ 27 ບ້ານ, ຈຳນວນ 385 ຄອບຄົວ ມີ 20 ຕອນ ເນື້ອທີ່ 198,14 ເຮັກຕາ ໂດຍມອບໃຫ້ອົງການປົກຄອງທ້ອງຖິ່ນ, ກຳລັງ ປກຊ-ປກສ ເມືອງສືບຕໍ່ກວດກາຕິດຕາມ ແລະທໍາລາຍ ໄປພ້ອມກັນກໍ່ໄດ້ສຶກສາອົບຮົມກ່າວເຕືອນປະຊາຊົນບັນດາເຜົ່າ ທີ່ລັກລອບປູກຝິ່ນຢູ່ໃນບ້ານເປົ້າໝາຍ ບໍ່ໃຫ້ກັບຄືນມາປູກຝິ່ນອີກ.
