ເປີດກົດ 7 ຂໍ້ ບານໂລກ 2022 ຊີ້ຂາດເຂົ້າຮອບ 16 ທີມ ຫາກຮອບແບ່ງກຸ່ມມີຄະແນນເທົ່າກັນເກີນ 2 ທີມ
ເປີດກົດ 7 ຂໍ້ ໃນການແຂ່ງຂັນບານໂລກ 2022 ທີ່ປະເທດກາຕ້າ ທີ່ຈະໃຊ້ເພື່ອຊີ້ຂາດເຂົ້າຮອບ 16 ທີມສຸດທ້າຍ ຖ້າຫາກວ່າຈົບຮອບແບ່ງກຸ່ມ 3 ນັດ ແລ້ວມີທີມຄະແນນທີ່ເທົ່າກັນເກີນ 2 ທີມ.
ຄວາມເຄື່ອນໄຫວ ການແຂ່ງຂັນບານໂລກ 2022 ຮອບສຸດທ້າຍທີ່ປະເທດກາຕ້າ ພວມຈະເລີ່ມແຂ່ງຂັນຄົບ 3 ນັດ ແລ້ວໃນຮອບນີ້ ໂດຍທັງຫມົດຈາກ 32 ທີມສຸດທ້າຍທີ່ເຂົ້າຮ່ວມ ເຊ່ິງມີພຽງເຄິ່ງດຽວທີ່ຈະໄດ້ຜ່ານເຂົ້າສູ່ຮອບ 16 ທີມສຸດທ້າຍ ເຊິ່ງໃນກໍລະນີທີ່ບາງກຸ່ມມີຄະແນນເທົ່າກັນຫລາຍກວ່າ 2 ທີມຈະ ຫາສອງທີມທີ່ຜ່ານເຂົ້າສູ່ຮອບນ໊ອກເອົາໄດ້ແນວໃດ ເຮົາມີຄຳຕອບ.
ໂດຍເລີ່ມທຳອິດ ຂໍ້ທີ 1 ຖ້າກຸ່ມໃດກໍຕາມທີ່ມີຄະແນນເທົ່າກັນຫລາຍກວ່າ 2 ທີມ ຈະເບິ່ງທີ່ຜົນຕ່າງປະຕູໄດ້ເສຍກ່ອນ ຕໍ່ມາອັນທີ 2 ຈະເບິ່ງປະຕູທີ່ແຕ່ລະທີມ ເຮັດໄດ້ວ່າໃຜຍິງໄດ້ຫລາຍກວ່າກັນ ຫລັງຈາກນັ້ນອັນທີ 3 ເບິ່ງຄະແນນຈາກຜົນງານການແຂ່ງຂັນສະເພາະທີມທີ່ເທົ່າກັນ, ຂໍ້ທີ 4 ນັ້ນຄືຜົນຕ່າງປະເທດ ໄດ້ເສຍສະເພາະທີມທີ່ເທົ່າກັນ ໄປຕໍ່ກັນຂໍ້ທີ 5 ຄືປະຕູທີ່ເຮັດໄດ້ສະເພາະທີມທີ່ເທົ່າກັນ, ຂໍ້ທີ 6 ເບິ່ງຄະແນນແຟເພລ ແລະ ສຸດທ້າຍຂໍ້ 7 ຕ້ອງເພິ່ງດວງລ້ວນໆ ເມື່ອຈະຕັດສິນຈາກການຈັບສະຫລາດໂດຍຟີຟາ.
ກົດ 7 ຂໍ້ ຊີ້ຂາດເຂົ້າຮອບ 16 ທີມສຸດທ້າຍ ບານໂລກ 2022
- ຜົນຕ່າງປະຕູໄດ້ເສຍ
- ປະຕູທີ່ຍິງໄດ້
- ຄະແນນຈາກຜົນການແຂ່ງຂັນ ( ສະເພາະທີມທີ່ເທົ່າກັນ ) ໂດຍຕັດສິນຈາກ ເຮັດທູເຮັດ ຫລື ມິນິລີກ
- ຜົນຕ່າງປະຕູໄດ້ເສຍ (ສະເພາະທີມທີ່ເທົ່າກັນ)
- ປະຕູໄດ້ສະເພາະທີມທີ່ເທົ່າກັນ
- ເບ່ິງຄະແນນແຟເພລ
- ຈັບສະຫລາກໂດຍຟີຟາ.
