ສື່ເປີດເຜີຍ 3 ນັກເຕະອາວຸໂສ ເບລຢຽມ ຕີກັນເອງຫລັງເກມ

ທີມຊາດເບລຢຽມ ແຕກແຍກ ມື່ສື່ເປີດເຜີຍວ່າ 3 ນັກເຕະປະສົບການຫລາຍເຊ່ັນ : ເຄວິນ ເດິບຣອຍ- ອາຊາ-ແຟຕອງເກນ ເປີດສາກຕີກັນເອງ ຫລັງຈົບເກມ ຈົນ ລູກາກູ ຕ້ອງເຂົ້າມາຫ້າມ.

Daily mail ສື່ໃນອັງກິດລາຍງານວ່າ : ເຄວິນ ເດິ ບຣອຍ, ເອເດັນ ອາຊາ ແລະ ແຢນ ແຟຕອງເກນ 3 ນັກເຕະລະດັບແກນນຳຂອງທີມຊາດເບລຢ້ຽມ ເປີດສາກຕີກັນເອງໃນຫ້ອງແຕ່ງຕົວ ຫລັງຈົບເກມບານໂລກ ຮອບທຳອິດນັດທີ 2, ກຸ່ມ F ທີ່ເບລຢຽມ ເສຍໃຫ້ ໂມຣ໊ອກໂກ 0-2 ເມື່ອວັນພະຈິກທີ່ຜ່ານມາ.

ບັນຍາກາດໃນທີມ ເບລຢຽມ ເລີ່ມເຄັ່ງຕຶງ ຫລັງຈາກທີ່ ເດິ ບຣອຍ ໃຫ້ສຳພາດກ່ອນເກມກັບ ໂມຣ໊ອກໂກ ວ່ານັກເຕະໃນທີມເບລຢຽມຊຸດນີ້ອາຍຸຫລາຍ ເກີນໄປທີ່ຈະຄວ້າແຊ໊ມໂລກ ແລະ ເມື່ອທີມພົບກັບຄວາມປະລາໄຊຢ່າງພິກລັອກ ເຊິ່ງເຮັດໃຫ້ ເບລຢຽມ ມີພຽງ 3 ຄະແນນ ແລະ ຕ້ອງຫວັງໃນການຜ່ານ ເຂົ້າຮອບ 2 ເຮັດໃຫ້ສະຖານະການພາຍໃນທີມຕົກຕຳ່.

ລາຍງານລະບຸວ່າ : ນັກເຕະອາວຸໂສ 3 ຄົນດັ່ງກ່າວ ເປີດສາກມີເລື່ອງກັນເອງຢ່າງຮຸນແຮງ ແລະ ໄດ້ຍິນສຽງດັງອອກມານອກຫ້ອງແຕ່ງຕົວ ຈົນເຮັດໃຫ້ ໂຣເມຣູ ລູກາກູ ກອງໜ້າເຊລຊີ ທີ່ຖືກຢືມຕົວໄປຢູ່ກັບ ອິນເຕີ ມິລາຍ ຕ້ອງເຂົ້າມາຍາດທັງຫມົດຈາກກັນກ່ອນເຫດການຈະແຜ່ລາມ.