ການປ່ຽນນິໄສເລື່ອນເວລາດ້ວຍກົດ 5 ວິນາທີຂອງ Mel Robbins

Mel Robbins ນັກຂຽນ ແລະ ນັກສ້າງແຮງບັນດານໃຈທີ່ສອນຜູ້ຄົນຫລາຍລ້ານທົ່ວໂລກເຖິງຄວາມລັບ 5 ວິນາທີ ທີ່ຊ່ວຍຄວບຄຸມຊີວິດໃຫ້ເປັນໄປໃນທາງທີ່ດີຂຶ້ນ ໂດຍປາສະຈາກເງື່ອນໄຂ ແລະ ຂໍ້ອ້າງຂອງຄວາມຂີ້ຄ້ານ, ຖ້າຜູ້ອ່ານເຄີຍມີຄວາມຂີ້ຄ້ານ ບໍ່ຢາກເຮັດຫຍັງບາງຢ່າງເກີດຂຶ້ນ ໂດຍບໍ່ຕໍ່ຕ້ານມັນ ມັນຈະກາຍເປັນນິໄສທີ່ບໍ່ດີ, ແຕ່ຖ້າທ່ານຮູ້ຈັກກົດ 5 ວິນາທີ ຈະຊ່ວຍໃຫ້ເຮົາກ້າຕໍ່ສູ້ ແລະ ເອົາຊະນະຄວາມຊີ້ຄ້ານເຫລົ່ານັ້ນ ແລະ ຍັງຈະຊ່ວຍປ່ຽນທັດສະນະຄະຕິ, ຄວາມຄິດ ແລະ ພຶດຕິກໍາ ອີກດ້ວຍ

.

ການປ່ຽນນິໄສເລື່ອນເວລາດ້ວຍກົດ 5 ວິນາທີຂອງ Mel Robbins ມີກົດວ່າຖ້າເຮົາຢາກເຮັດຫຍັງເພື່ອໃຫ້ບັນລຸເປົ້າໝາຍ ໃຫ້ຟ້າວລົງມືເຮັດສິ່ງນັ້ນຕັ້ງແຕ່ 5 ວິນາທີທໍາອິດ ຢ່າລັງເລທີ່ຈະເຮັດ ເຊັ່ນ ຢາກອອກກໍາລັງກາຍ ແຕ່ຂີ້ຄ້ານ ໃຫ້ລອງນັບຖອຍຫລັງ 5 4 3 2 1 ແລ້ວອອກແລ່ນເລີຍ