ສະຫລົດ ເກີດດິນຖະຫລົ່ມ ໃນຂະນະຈັດງານຝັງສົບ ທີ່ ປະເທດ ແຄເມີຣູນ ແຂກມາຮ່ວມງານ ເສຍຊີວິດ 11 ຄົນ
November 28, 2022 - 1:41 PM
ສຳນັກຂ່າວຕ່າງປະເທດລາຍງານວ່າ: ວັນທີ 27 ພະຈິກ 2022 ນີ້ ເກີດດິນຖະຫລົ່ມໃນລະຫວ່າງການຈັດພິທີຝັງສົບໃນນະຄອນຍາອຸນເດ ເມືອງຫລວງຂອງປະເທດ ແຄເມີຣູນ ເຮັດໃຫ້ມີຄົນເສຍຊີວິດ 11 ຄົນ.
ເຈົ້າໜ້າທີ່ ລະບຸວ່າ: ເຫດດິນຖະຫລົ່ມເກີດຂຶ້ນໃນຕອນແລງຂອງວັນອາທິດທີ່ຜ່ານມາ ໂດຍຜູ້ຖືກເຄາະຮ້າຍສ່ວນຫລາຍນັ່ງຢູ່ໃນເຕັ້ນຂະນະທີ່ເກີດດິນຖະຫລົ່ມ ເຊິ່ງເບື້ອງຕົ້ນເຈົ້າໜ້າທີ່ຕຳຫລວດໄດ້ລຳລຽງຜູ້ເສຍຊີວິດອອກໄປຈາກຈຸດເກີດເຫດແລ້ວບາງສ່ວນ ຂະນະທີ່ໜ່ວຍກູ້ໄພໄດ້ເລັ່ງຄົ້ນຫາຜູ້ທີ່ຍັງຕິດຢູ່ໃຕ້ດິນ, ໂດຍທາງການກຳລັງກວດສອບຂໍ້ມູນລະອຽດ ກ່ອນທີ່ຈະມີການລະບຸຈຳນວນຜູ້ເສຍຊີວິດ ແລະ ບາດເຈັບທີ່ຊັດເຈນອີກຄັ້ງ.
