ນັກວິໄຈອິດສະລາແອນຄິດຄົ້ນ “ໜ້າກາກລ່ອງຫົນ” ປ້ອງກັນເຊື້ອໄວຣັສ
ຜູ້ຊ່ຽວຊານຊາວອິດສະລາແອນ ປະສົບຜົນສຳເລັດໃນການພັດທະນາ “ໜ້າກາກລ່ອງຫົນ” ເພື່ອຫລຸດຄວາມສ່ຽງການຕິດເຊື້ອໄວຣັສເຂົ້າສູ່ລະບົບທາງເດີນຫາຍໃຈ.
ວັນທີ 26 ພະຈິກ 2022, ສຳນັກຂ່າວຊິນຮົວລາຍງານວ່າ: ສະຖາບັນເຕັກໂນໂລຊີອິດສະລາແອນເຜີຍແຜ່ລາຍງານວ່າ: ຄະນະນັກວິໄຈໃນສັງກັດໄດ້ພັດທະນາໜ້າກາກລ່ອງຫົນ ເຊິ່ງປົກປ້ອງຜູ້ໃຊ້ຈາກພະຍາດໂຄວິດ-19, ພະຍາດເມີສ, ພະຍາດໄຂ້ຫວັດໃຫຍ່ ແລະ ເຊື້ອໄວຣັສທາງເດີນຫາຍໃຈຊະນິດອື່ນ.
ທັງນີ້, ໜ້າກາກດັ່ງກ່າວເປັນມ່ານອາກາດລ່ອງຫົນໃນກະບັງໜ້າຂອງໝວກ ແລະ ໄຫລເຂົ້າໃບໜ້າຂອງຜູ້ໃຊ້ ເຊິ່ງເກີດຈາກຊຸດອຸປະກອນນ້ຳໜັກເບົາທີ່ໃຊ້ຊ້ຳໄດ້ ແລະ ມີຕົວກອງ ໂດຍມ່ານອາກາດຊ່ວຍປົກປ້ອງໜ່ວຍຕາ, ດັງ ແລະ ປາກ ພ້ອມສາມາດຈົດຈຳໃບໜ້າ ແລະ ອາລົມ ຕະຫລອດຈົນການສື່ສານດ້ວຍປາກ.
ນອກຈາກນີ້, ໜ້າກາກຍັງມີປະສິດທິພາບປິດກັ້ນລະອອງເລັກນ້ອຍທີ່ເກີດຂຶ້ນລະຫວ່າງຫາຍໃຈ ແລະ ເວົ້າ ແລະ ລະອອງຂະໜາດໃຫຍ່ ເຊິ່ງເກີດຂຶ້ນລະຫວ່າງໄອ ແລະ ຈາມ ລວມທັງກຳຈັດລະອອງນ້ຳຈາກດ້ານໜ້າຂອງໃບໜ້າດ້ວຍຂະບວນການ “ກ່ອນ” ຖ້າຜູ້ໃຊ້ຢູ່ໃນພື້ນທີ່ທີ່ມີການປົນເປື້ອນ.
